السلام عليكم ورحمة الله وبركاته
شخباركن خواتيه ان شاءالله مرتاحات وشخبااااركن ياكروووشات
اكيد تبن تعرفن شو صار اليوووم
اليوم موعدي عند الدكتوره وجانت اخر مراجعه او زياره لي عندها قبل ثلاث اسابيع
طبعا انا حامل واللحين مكمله اربع شهور واسبوع من الشهر الخامس
الزبده
في اخر مراجعه لي قالت انه الجنين 80% ولـــــــــــــــــد وانا فرحانه وااااااااايد وخبرت ريلي حتى انه صار يشتري اغراض الولد ونخطط شو بنسوي واي لون بتكون غرفته وجيه :1 (36):
بس اليوم صار شيء غير اللي صار قبل ثلاث اسابيع
يعني
اليوم قااالت لي انا اشك انه جنينج بنـــــــــــــــــــــــــــــــــــت
عاد تعالوا جوفوا شو صار فيني وربي اصياااح من الخااااااااطر مب اعتراض عحكمة ربي لا والله
بس جنت فعلا فرحانه وخااطري ينقال لي ام وليد واييب الولد بس يمكن ربي ماراد
احس اني وااايد ضايجه لاني فرحت ريلي وعقب تقول الدكتوره اشك انه بنت عفكره هاي اول مره ريلي يدخل وياي الغرفه يشوف البيبي
طبعا
الحمدالله على كل حااااااااال وانا صحيح اني تضايجت بس عقب قلت هاي ارادة ربي ويمكن جعلها لي حكمه لشيء معين سبحان الله
المهم
سؤالي حد صارلها مثلي ؟
وهل يصير الدكتوره تخربط مره تقول ولد وعقب اشك انه بنت ؟
ومتى يبين اذا ولد او بنت في اي شهر بالظبط ؟
وادعولي خواتي ربي يسهل عليا
ربي يحفظكن
الحمدلله البنت نعمه من رب العالمين وان شاء الله راح تصيرين ام وليد بعد البنت
انا عن نفسي ما احب اعرف بنت او ولد المهم انتي وين رحتي مستشفى حكومي او خاص روحي اوراس او زليخه يعرفون من بداية الرابع
تربين بالسلامه والله يفرحكم
اللي عندها خبره ياريت تفيدني بالخبره ومكانها بالظبط
والحمدالله على كل حاال ويااارب يرزق كل محرووومه ان شاءالله
هو العادة اذا قالولج ولد يكون ولد .. لانه البنت عادي يغلطون ويقولون بنت وعقب يطلع ولد ..بس الولد لا.. من اولها يبين .. بس تستوي اذا كانت الاعضاء التناسلية مب واضحه عند بعض الاجنة .. خصة انج اتقولين توج داشة الخامس.. وهالشي متوقع .. اصبري لنص الخامس وجيكي مره ثانية وان شاء الله تكنين ام الوليد .. ول ماصار ان شاء الله البطن الياية ..توكلي على الله واحمدي ربج واشكريه 
اختي
في دكتورة اتقول حقها بنت
وبعدين راحت تراجع عند عيادة ثانية قالت لها ولد
والمستشفى اللي تولد فيه في البداية قالوا بنت بعدين تاكدوا وقالوا ولد
واختي اشترت الملابس الوانها بيضا وبيج
لانها الوان محايدة تناسب الولد والبنت
واللحين عندها ولد بيكمل شهر
المشاركة الأصلية كتبت بواسطة كلمات 
هو العادة اذا قالولج ولد يكون ولد .. لانه البنت عادي يغلطون ويقولون بنت وعقب يطلع ولد ..بس الولد لا.. من اولها يبين .. بس تستوي اذا كانت الاعضاء التناسلية مب واضحه عند بعض الاجنة .. خصة انج اتقولين توج داشة الخامس.. وهالشي متوقع .. اصبري لنص الخامس وجيكي مره ثانية وان شاء الله تكنين ام الوليد .. ول ماصار ان شاء الله البطن الياية ..توكلي على الله واحمدي ربج واشكريه
ان شاءالله اكون ام الوليد وربي خاااطري وفعلا في اول كشف قالت لي 80% وراوتني الاعضاء ماله بين ولد بس اليووم لاااا يوم خبرتها انتي قلتي قبل لي ولد قالت لاا يمكن الحبل السري ملتف عالبيبي انتي تريي
وربي تميت اصيح وقلت لريلي مابراااجه لين ادخل السادس حراام احسه غيير صاير
مشكوووور الغلا عردج