بالنسبه للكيراتين وتجربة اختي مانصحكم به :(

السلام عليكم

خواتي اختي سوت الكيراتين …

كان روووعه شعرها واختي الثانيه تشجعت وسوت معاها وطلع روووعه روووعه

مايتحتاي استشوار بس للأسف الصدمه الاولى :

اختي الاولى انتهى مدته .. والصالون مخبرينها لازم قبل لاينتهي باشوي ترجع تسير لهم عسب

يسون لها مره ثانيه يجددون .. عشان مانشوف شو الي يستوي عقب الكيراتين ..

واختي انتهى مدته وماسارت ..

ختيه سارت معاها الصالون وانصدمممممممممممممممممت تقول شعرها اخترب

صار اخشن وايبس من قبل

ماانصحكم به .. واي شيء مب طبيعي مانصحكم به ..

عليكم بالزيوت والخلطات الطبيعيه ..

اللهم بلغت اللهم فاشهد هاي تجربة اختي وحبيت ابلغكم عشان ماتتوهقون

وسبحان الله انا من البدايه ماكنت مرتاحه له ..

اختج شكلها سوت الكيراتين التمليس مش العلاج .. العلاج ما احيد انه له مدة و ينتهي ..

و عليكم السلام و رحمة الله و بركاته

..

مشكورة أختي على نصيحتج
كل يوم و الثاني يظهرون لنا بشي يديد آخر شي يكتشفون سلبياته
و يدورون له العلاج!!
لولا قدر الله كان شعري سلك مواعيين ما بفكر أسويله هالأشيا
و نفس ما قالت أختي الغر الحشيم مالنا غنا عن الكشة الجميلة
ههههه
..

افاااااااااااا كنت ناويه انا والشله …….. نسويه

صح انزين شكلها اختج سوت كيراتين مع التمليس
لان الكيراتين ينعم الشعره بس مايخليها سايبة حرير وهو كعلاج

اتاكدي لنا ان اختج سوت الكيراتين بدون تمليس ووين وبكم لو سمحتي ضروري تجاوبيني لاني ناوية اسوي ولازم اعرف كل شي قبل ما اسوي

لاعزيزتي .. سوت العلاج .. مال التساقط وغيره

وخساره شعوور خواتي حلللوه بس هم كانوا يبغون يعالجون عشان التساقط

ويكون طااايح .. بلى تنتهي مدته .. يعني كمن سنه بس . مايتم طوول العمر ..