و أخيرا شيبتنا ( أخوية عرس ) … خخخخ و أسميه شيبتنا لانه عرس بعمر 30 سنة … يالله ما عليه …. و بعدين كل شيء يهوووون دااااااااام تأخر علشان ياااخذ ( القمر ) حرمته ….
و بصراحة ليلتهم كانت رووووووووووووووعة في كل شيء
و كان العرس في قاعة الخبيصي بالعين …. و طبعا هالقاعة من أكبر القاعات اللي موجودة بالعين ….
خلونا ندخل في تفاصيل العرس المميز ^_^
لبسنا القاعة من السقف الى الأرضية باللون الأبيض ( الأووف واايت ) و نفس الشيء الكراسي و الطاولات … و عروسنا طلبت كوشة ( هي أختارتها ) بلون ( درجات البنفسجي ) + الذهبي
و الكوشة عبارة عن مخمل بنفسجي و فيه لمسات بسيطة باللون الذهبي … يعني براوين مذهبة و كريستال مذهب و الكراسي باللون الذهبي و البنفسجي ….
و الممر اللي تمشي فيه العروس كله شمعدانات بنفسجية … طبعا عروسنا ما بغت ورود في الكوشة نهائيا … علشان اليهال ما يتعبثون بالورود .. و يخترب شكل الكوشة
و ع الطاولات و ع المفارش البيضة لبسنا الطاولات دانتيل بنفسجي و طاولات دانتيل ذهبي و حطينا فازات طويلة فيها ماي معطر باللون البنفسجي و بدون ورد … بس نثرنا ع الطاولات ورد مجفف ….
طبعا الفرقة اللي دقت فرقة الحبايب ( صراحة ربببببببببشة ) و لانه عرس أخوية قبل العيد الوطني بيومين … دقوا الفرقة في بداية الحفل السلام الوطني … ووزعت الفرقة ع الضيوف أعلام دولة الإمارات و برووووش عليه صور للشيوخ … صراحة الفرقة ما قصرت ….
طبعا أحيت لنا العرس ( دلوعة دبي ) … و طبعا الكل عاااااااارف ربشة دلوعة دبي …. شيء شيء مب أي شيء ^_^
و كيكة العرس كانت رهيييييييييييييبة و سويناها عند أوبرا و كانت 6 طوابق و لونها أبيض و الورد اللي عليها بنفسجي ………..
و عروسنا الحلوة فصلت فستانها عند المصمم الإماراتي العالمي أحمد الرياييسة و بصراحة و بشهادة المعازيم …. كاااااااان رهييييييييييييييييييييييييييييب ملللللللللللكي ….. و كل الحريم و المقهويات حتى اتخبلوا عليه
و كان ودي أحط لكم صور الفستان … بس أخوية سواء حضر تصوير خخخخخخخخخخخخخخخ
أونه يخااااااااااف العين … و صراحة من حقه … ^_^
المهم تعدلت عروسنا عند دولا في بوظبي …. و الحنا عند وحدة في بوظبي
و صراحة ما فيني أمدح زيادة … الكل عارف مكياج و تسريحات دولا ….
و معاريسنا حاليا في شهر العسل … و ربي يسعدهم العمر كله
و الحين بخصوص كشختنا نحن خوات المعرس …
ما شاء الله تبارك الله …. كل وحدة كانت أحلى عن الثانية …. صراحة تبارينا خخخخخخخ … منو بتاكل الجو أكثر … اتعرفون عاد حركات خوات المعرس … يعني حد فصل فساتين و حد خذ جاهز يعني ع حسب … و المكياج … حد في العين و حد في بوظبي و حد بدبي … يعني كل وحدة فينا تميزت عن أختها … و نفس الكلام لأهل العروس ,,, ما شاء الله علينا … عرس كان مميز … و شهادتي فيه مجرووحة و الله
و أخيرا سوينا بطايق العرس في الرهونجي …. و كانت عبارة عن صدفة و بداخلها عقد لولو … يعني الحريم يقدرون يبطلون العقد و يلبسنه بعد العرس … حركة حلوة صح ^_^
و الكوشة عن الرهونجي بعد
و التوزيعات شغل ايد أختي … بس رهيييييييييييب
و عدد المعازيم للحريم 1000 حرمة … و من كثر الضيوف نزلنا 6 طاولات زيادة …. و حجزنا للرياييل 500 ريال … و صحيح يبنا لعرس الرياييل فرقة المقابيل الحربية ^_^ و يا عيني ع الفرقة … الكل يتكلم عنها لليوم ….
و جذيه توته توته خلصت الحدوتة
و بالأخير حبيت أحط لكم صور بسيطة و من أختياري … و أريد رايكم بصراحة …
صورة حناة إيدي و اتحنيت ( عند أسماء الهندية )
صورة المكياج ( عند مدام ابتسام صالون كريستال بالعين ) قولن ما شاء الله ^_^ ملاحظة .. انا ما حطيت عدسات لاني ما أحبها … و عيوني اتحسس بسرعة
و فستاني ( عند مصمم بالشارجة ) و ع فكرة انا عمدا ما حطيت صور واضحة للفستان … لاني أفكر أبيعه ^_^ ( ملاحظة غيرت الصورة )
و بالختام … و اي سؤال أو أستفسار أنا بالخدمة ^_^
همسة : نسيت أصور لكم القاعة و الكوشة ^_^ انشغلت بالعرس و نسيت … سامحونا
شكرا لكل وحدة قالت لي عقبالج ^_^ بس أنا معرسة يا جماعة … يعني قولن عقبال بناتج ( ربي يحفظهن )
بالبركة
كللللللوللوولولولش
وااايد روووعه ماشالله
بس وييين صور الكوشه و القاعه . حطيلنا بعد صوررر
اترياااج حبووبه
الله يسعدج ويسعدهم ان شاء الله
وعقبااااااااااااااااااااال الجمييييييييييييييييييييييييييع
والله يسعد المعاريييييس ويردوون بالسلاامه
فديتج طرشيلي رقم الحنايه .!! عيبني حناج مشالله .!!
ماشاء الله ..
الله يبارك لكم..
ويهني العرساان ..
وعقبالج ..
و سوري لاني نسيت اصور لكم القاعة