باستا الدجاج و معكرونه بالبشاميل / من مطبخي

باستا الدجاج

المقادير // صدور دجاج (حسب كمية المعكرونه ) / معكرونه / فلفل اسود / ملح // جبن كيري
ست قطع / خمس ملاعق طعام جبن كرافت السائل / علبة قشطه / ثوم / فطر / زعتر البيتزا / ليمون حسب الرغبه لو كثرتي بتكون حامضه

الشرح بالصور

نبهر الدياي بالثوم والفلفل والملح والليمون ( الفلفل حسب الرغبه ) وخليته في الثلاجه نص ساعه // والمعكرونه نفورها في شوية زيت وملح // الافضل تكون آخر الخطوات عشان ما تبرد وتجمد

نحط في الخلاط الجبن كيري ويا القشطه وجبن كرافت السائل ( قبل وبعد )

عقب نحط الدياي والمشروم على نار هاديه ويا اصبع زبده وشوية زيت زيتون ونغطيه عشان يستوي وانا حمرته شوي ما خليته ابيض والصور تشرح الكلام

ملاحظه : اذا بغيتو تخففون من صلصة الجبن في الطبخ زيدو من زيت الزيتون

بسم الله الرحمن الرحيم

اولا نفور ديايه وتكون حسب كمية المعرونه انا دايما افور نص ديايه واشل العظام وافتتها
عقب اقلا البصل واضيف الدياي ومكعبات ماجي ومشروم طازج وثوم وفلفل اسود واي بهار خاص بالدياي وشوية صلصله ( الخلطه حسب ذوقكم ) احيانا احط صنوبر يطلع لذيذ
عقب افور المعرونه واخليه على جنب وحاليا الشرح بالصور

عقب نحط في البايروكس اول طبقه من المعرونه وفي النص الدياي وفوقه طبقه ثانيه من المعرونه

وعقب نجهز صلصة البشاميل البيضا وخطواتها عباره عن زيت يتحمى ومن يحمى اضيف عليه الطحين ومن يتحمر اضيف خلطة الحليب ممكن طازج او اخلط ماي وبودره واحط شوية فلفل وملح ويا الحليب واخلطهم زين ومن احطهم على خلطة الطحين بسرعه احرك عشان ما يتعقد واستمر لين احصل القوام المناسب افضل الوسط ولو طلعت غليظه اضيف حليب زياده ( وقياسات الزيت والطحين ممكن لو كوب زيت احط كوب وربع طحين وياه ) عموما تحديد لقياسات حسب كمية المعرونه

الخطوات بالصور

الحليب ومقداره

من يتغير لون الطحين للبني اضيف الحليب

احاول اوضح قوام الصلصه بالصور لاني كنت اصور بروحي واصب الصلصه كان صعب التصوير شوي