بنآت أنا صج متحطمه ومب عارفه شو أسوي . .
أنا الحمدلله أدرس فالجآمعه وشرات ما تعرفوون انه الكورس الأول ( الفصل الاول )
دوم يكون قصيـر ومانلحق نسوي شي . .
فـ الله يسامح الدكاتره كلهم طالبين مليون شي وانااا خلااص وصلت حدي
يعني في دكتوور مثلا . . قال ما بعطيكم امتحان منتصف بعطيكم اسئله وسيروا البيت
ويمعووولي كل شي خذناه قبــل بالتفصيـل مع امثله وغيره . . انا قلت حليله الدكتور
بيسهل علينا ولما سرت البيت .. قعدت ابا اسوي شي وماعرفت الكميه واايد كبيره ويباها
باأسلوب البنت مب نقل يعني لو اقعد شهر اكتب فيه ما بخلص ..
رد بالأسبوع اللي عقبه قال والله بنات مراعاة لظروفكم وانكم تعبانين ومضغوط عليكم
انا ما بعطيكم كويز بس بتاخذون هالاوراق وبتحلون الاسئله فالبيت !!!
رد عقبه بيوم وقال عندكم كويزين هالاسبوع يوم الاحد والثلاثاء وانا عندي مديتيرم
في نفس اليوم وعندي تسليم اسايمنت !
هذا بس دكتور واااحد
الدكتور الثاني يااانا قبل العيد قال بنات لازم تسووون بحث وتسلمون عقب العيد وعقب مااا
كلنا اعترضنا قال خلااص سلموه اي وقت بس لازم تدورون فكتب وغيــره وتكتبون بأسلوبكم
وتشرحوون !
ودكتور ثالث كملهاا اليوم وقال بنات لازم تدرسوووون اي لغه فالعالم وتحللونها
وتسوون جداول ورسوومات وغيره !! حليله مسكين ماطلب واايد بس 30 ورقه !!!
الحين اناا شوو اسوي بعمري !! . . قسم بالله كرهت الجامعه هالكووووورس ..
متلعوزه من الخااطر . . يعني بالذمه 5 بحوث يبالها كتب ولازم اقرى كل كتاب والخصه
واحلل واسوي جداول وغيره . متى بخلص كل هذا !!! غير الاسايمنت و الامتحانات
والمشكله اذاا طلبت من المعهد يخلصون لي بعض الاشياء ما بيعرفون اكيد
لانه يبالها تحليل من لغات ثانيه .. يعني هالاشياء لها علاقه باللي ندرسه
مب اشياء عامه !
..
نحن بعد وايد كارفينا ..
الله يعينا =(