خواتي انا اول مرة اسير العمرة في حياتي .. و اول مره اركب طيارة ..
وان شاء الله الاسبوع الياي بنسير العمرة .. ممكن تساعدوني ^.^
من ناحية ترتيب الشنطة .. وشو بحتاج هناك .. شو اللي لازم اشله وياي في handbag
افيدوني وفي ميزان حسناتكم
^.^
الجلابيات بينفعنج أكثر شي
حطي دلاغات لنه أرضية الحرم باردة
اومادري يمكن عندهم برد احتياطا شلي اوياج شال عن البرد
ممممم
بعد
يوم بتسيرين الحرم لبسي ونتي بكرامة نعال عادي ..لنج بتضطرين اتخلينه عند المكان لي تنحط فيه النعول
يوم بطوفين
اونعال 2 حق السفر
والأشياء الثانية اللي تحتايينها
اوعمرة مقبولة ان شالله
لتنسينا من دعواتج الطيبة
او وافجين خير والرب عليكم حافظ
نفس ثيابج اليوميه اللي تلبسينها جلابيات خفيفه وشيل وعبي
ما تحتاجين شي مخصوص بس لا تنسي المقص عشان تتحللين من الاحرام
وانتبهي الغاليه لاتتحللين في الحرم مثل ما بتشوفين وايد ناس يسونها لانه حرام بينكشف شعرج
ردي الفندق وهناك تحللي
و حبيت انبهج ان الاحرام ماله لبس مخصوص لان واييدين من عيايزنا تشوينهم بالاخضر وهذا من البدع
تلبسين اي شي بس ما يكون فتنه لا الاثم هناك مضاعف
حاولي انج ما تفوتين اليلسه في الحرم دقيقة
واستمتعي بكل شي
كثري من شرب ماء زمزم فانه طعام طعم وشفاء سقم
وماء زمزم لما دعي له ( يعني اي دعوة تدعينها بنية صادقه وانت تشربين الاماء تستجاب باذن الله )
لا تنسيني من دعوة صادقة بالزوج الصالح
بالسلامة الغالية وأجر مقبول باذن الله
عقبالي ^^
