بنات اشحالكن انا كنت اقرا وايد عن بنات يشتكين من ازواجهن انهم يطالعون افلام اباحيه وكنت احمد ربي على ريلي انه مايطالع بس سرت عند اهلي اسبوع ورديت جان احصل بلاوي على الابتوب اخخخخ قلبي يعورني بنات وكل شوي اصيح ورسلت له مسج انه ليش يلجا للمحرمات دام الحلال موجود وانا بشو مقصره…بنات الله يخليكن شورن علي كيف اكلمه بهالموضوع وانا لايعه جبدي منه مصدومه قسم بالله هواللي يقولي كله انا مااحب اطالع بنات كيف عاد مفصخات استغفر الله
الله يعينج الغالية
رمسيه بها الشي بس لا تسكتين
عندي لج فيديو للشيخ عبدالمحسن الأحمد وااااايد حلو ومؤثر وفيه صور وقولي لريلج اذا تحبني شوف هالفيديو على أساس فيلم ما يتفوت وادعيله في كل وقت بالهدايه والله يهديه لما يحبه ويرضاه ويبعد عنه شياطين الانس والجن
والله الغاليه الله يكون في عونج
بس اهم شي ما تسكتين وتواجهينه
لا تسكتين واجهي وقوليله انا مستحيل افكر او احلم اشوف هالسوالف ليش ألجأ للحرام وأنت عندي لكنك خيبت ظني فيك ….قوليله انج كنتي واثقه فيه ثقه عميا والحين شوف انت شو سويت والله بيندم ع كل اللي سواه وسكتي ولا اتقولي ولا كلمة زياده وتمي زعلانة كمن يوم بس طبعا سو كل اللي يحبه ويطلبه منج وشوفي كيف هالشي يحرقه ويحرجه أنج تبدلي الاساءة بالخير والحب ….وإذا اعتذر وحلفلج أنه مابيسوي هالشي مرة ثانية عادي ارضي لا تتكبري واتزوديها وفورا اطوي الصفحه الجديمة وانسيها…
عسى الله يبعد عنكم الغم والهم ويجعل حياتكم كلها سعاده وحب
حبيبتي الله المستعان قلبي وياج ماعليه صبري
ادعي ربج يبعده عن هالاشيا حاولي انج تكونين وياه وقت فراغه وتشغلينه عن هالاشيا
وترومين تطرشين ع ايميله قصة شخص كان مدمن هالافلام واخر شي مايروم يمارس العلاقة الطبيعية ويا زوجته وشي برنامج ترومين تحطينه فاللاب توب واذا اي شخص حاول يفتح اي موقع اباحي او صورة ع طول تظهر له الرساله الموقع غير موجود
ان شاء الله بحط الموضوع عقب شوي عسب الكل يستفيد
الله يعينج