انصحوني

السلام عليكم ورحمة الله وبركاته….
خواتي انا معرسه صارلي سنتين وكم من شهر وعندي اطفال
متزوجة واحد من خارج امارتي (يعني انا من اماره وهو من اماره ثانية)
مشكلتي عمتي ام زوجي ؟؟؟؟
تبيني ارمس وياها بالهندي (لللعلم هي هنديه) لان مرت اخو ريلي ترمس وياها بالهندي لان هي بعد امها هندية ف تعرف هندي بس انا ما يخصني بالهنود طول المهم تزعل مني لاني ما اتكلم وياها
ثاني شي تعاملني معاملة خايسة يعني مرت اخو ريلي تعاملها بحب بس انا دوم تتشكى مني عند ريلي لدرجة قلت حق ريلي خلاص بخلي العيال عندها وبسير عند اهلي (ريلي مسافر هالفترة) فقال ريلي يعني شو اسوي انا اهزبها هذي امي انا ما قلت اهزبها بس كلمها لا يدخلون في حياتي هم شو يبون فيني ……
عقبها اتصل ريلي وقالي انا بقولج السالفه … السالفه وما فيها ان ام ريلي ما تحبه اوما تفضله من كان عزوبي كله تحب ولدها الثاني وفقالي لا تستغربيني جيه تعاملج لان تعاملج شرت ما تعاملني انا انزين انا بنت ناس من الادب انها تحافظ علي مثل ما قالوا اهلي يوم يت تخطبني المهم انا وايد تحسست من الموضوع فما قمت اظهر من الغرفه لاني من اظهر ايلس وياهم في الصاله هي تروح غرفتها ما تبا تيلس وياي وطول الاسبوع يكون اخو ريلي ومرته في اماره ثانيه بحكم دوامه وهي ما تيلس في البيت تكون كله طالعه برع البيت وما ترجع الا الساعه 11 فليل ما اعرف شو السالفه مع اني ما ضريتها بشي وفعمري ما قلتها شي ومن النوع انا اللي احب اهديها عكس مرت اخو ريلي وفوق هذا تعاملني جيه ومن يومين ابوي يا عندي طبعا انا خبرتكم من اماره وريلي من اماره ثانيه وفهي استغربت كيف ابوي ياي على بالها اشتكيت وياي يشوف الموضوع لا ابوي كان ياي يشوف العماير اللي موجوده هني وفديت روحه يا يشوف عيالي ويطمن علي ومن يومها وهي تغيرت لان عرفت ان عندي اهل يسالون ويطمنون مب انه ريلي مسافر يعني اهلي ما يسالون فيني عسب هي تتحكم فيني …
المهم الحين ابا طريقة اخليها تحبني وتعاملني شرات ما تعامل مرت اخو ريلي والله اني مب مقصره في حقها وابيها تعامل ريلي بحب والله انه حاطينها فوق راسنا وانا ما ابا اكبر الموضوع لان اهلي ما شاء الله واصلين لو عرفوا والله ما بيخلون ايلس ثانيه عندها وانا اخاف على عيالي ووايد متعلقه في ريلي ما اتخيل حياتي بدونه والله دوم اصيح …..

وشكرا لكم خواتي انتظر ردودكم …..

ما اعرف شقول بس انتي مب ملزومه ترمسين هندي ابد

وطاف عامليها بالحسنئ وسوي اللي عليج لان بعض العمات غلسات شوي

احترميها وييبيلها هدايا واسالي عنها بين فترة وثانيه وعيشي حياتج طلعي دخلي براحتج المهم شورج عند ريلج

وليش ما تفكرين تسيرين بيت اهلج لين يرد ريلج

الغالية تراج تقولين انج سويتي اللي عليج
عيل خلاص
والحلو بالسالفة انج قلتي انج لاحظتي تغيير بمعاملتها من يوم ما شافت ابوج
يعني هاي خطوه حلوه اكثر
لا تعبين عمرج اكثر وياها
انتي ضميرج مرتاح وما عليج قصور
واذا هي تعامل ولدها اللي من صلبها جي
عيل كبف بنت الناس

بس انا عندي تعليق بسيط بعد
اذا تحسينها تتاثر بهيبة اهلج
ليش ما تخلين اهلج ايون يزورونج
والوالده ترمس وياها بشكل عام
فتحس ان فعلا لج هيبه

موفقه الغالية

انتي عامليها بالحسنى وتوكلي على ربج ومب مجبوره ابد ترمسين هندي هاي وحده ولاثنتين

مب ملزومه ترطنين شراتها , اتكلمي بلهجتج وياها وهي كيفها

ياختي الثقافة زيييييييييييينه

تعلمي شوية هندي طالعي زي افلام ومن دون زي افلام

انتي اصلا عندك الهند تمشي على قدمين

قعدي معها وسولفي معها عن الهندي وجي

اشتري كتب عند الهند والمعالم السياحية مالتها وقريها معاها خاصة منطقتها وجي

ليني راسك لها

حسسيها بانك من عشاق الحضارة الهندية وتاااااااااااج محل

ياختي سايريها في ناس جي خاصة هي يمكن تفكر انك تتكبرين او شي عرفتي علي

ولا تنسين زيدي في الاكل شطه يمكن الله يهديها وتحس بك

يقولون امشي عدل يحتااااااااااار عدوك فيك