انا صارلي معرسه 6 شهور بالضبط, ورحت قبل اسبوع عند الدكتور اسوي فحص لاني ما حملت للحين(( لانه ريلي وايد خاطره في ياهل مع انه تو الناس )) و بالمره لانه عندي نقص في الفيتامينات و جي بس يوم يت النتيجه قالت الدكتوره انه انا ما عندي مناعه من الحصبه يعني يوم كنت ياهل يمكن ما اطعمت مع انه يوم سالت امايه قالت انها ما تطوف ولا تطعيم , المهم قالت المشكله انه اذا ما تطعمت وحملت و يتني الحصبه بيكون في تشوه في الجنين ولازم انزله.. واذا خذيت الابره احين لازم ما يكون في حمل لمده 3 شهور .. و هني المشكله انه ريلي قالي انه هو مب مستعد يستخدم واقي او شي و الحبوب الدكتوره قالت لا.. ريلي قال توكلي ع الله و انشالله ما اييج شي لانه مرض مب منتشر في الدوله.. و الله ما ادري شسوي اطعم ولا ااجل بعد الطفل الاول؟؟انصحوني
الصراحة أختي أنا مب معرسة بس أحب انصحج في موضوعج لو سمحتي لي
اختي أهم شي في الموضوع أنج تكون بصحة وعافية أنتي وزوجج وبعد طفلج إن شاء الله وعلشان نحقق هذي المعادلة البسيطة لازم تهتمين بصحتج وايد وايد ولازم تأخذين التطعيم علشان ما تندمين في المستقبل لا قدر الله وتقولين ياليت وياليت سمعت كلام الدكتورة
وبالنسبة لزوجج لازم تفهمينه أنه التطعيم لمصحلة الطفل الي هو يتمناه والمجازفة مب زينة وبعد انتوا بعدكم في أول أيامكم وحاولوا تتحملون الثلاث شهور تراها تمر بسرعة ولازم زوجج يتحمل معاج ويساعدج في هذا الموضوع لأن الحياة مشاركة وتعاون في الاثنين وترا كلها شوية وقت وصبر على الموضوع وكل شي بايد الله سبحانه وتعالى وربي إن شاء الله ما بيخيب رجاكم
وإن شاء الله ربي يسعدكم ويرزقكم بالذرية الصالحة قريب إن شاء الله ولا تنسين أختي تبشرينا وتفرحينا بحملج إن شاء الله وتقبلي تحيتي الغالية
اكتفي بالقرائه
بس انصحج انج تستخيرين ربج …
صح المرض مب منتشر في الدوله بس انتي ماتسافري؟؟
الله يرزقج