انتشار ظاهرة السرقة في الجامعات والكليات,,لين متى؟!؟

في ظاهرة منتشرة هالايام بشكل كبيرعند بعض الجامعات والكليات ألا وهي ظاهرة السرقة
ياما انسرقت بيزات وفونات ولابتووبات!!!!
والمشكله الكبيرة انه الفونات واللاب توبات فيها صور البنات؟؟!؟؟
أنا ماشوف انه الجامعات والكليات مسوين شي ايحد من هذي المشكله!!!
فيه احتمال بسيط انه العاملات الفراشات أو اللي يبيعون في الكانتين هم اللي يسرقون..بس اتضح لي انه احتمال كبير ايكونن من الطالبات والله أعلم..بس مب لانهن محتايات لا يمكن لانها حالة نفسية وماترتاح الا يوم تسرق
بخبركم سالفتين:

أول سالفة :
واحد من الاساتذه قال انه كشف وحده كانت تبا تسرق من البوك ماله بيزات,,بس انصدم تدرون ليييش؟!؟ لانه هالبنت من البنات الراهيات اللي تلبسن كله ماركات؟!؟

والسالفة الثانية:
انسرق مره لاب توب,,ومب اي لاب توب,,,,,,,,,,,لاب توب وحده من "الطالبات الشيخات",,,مالقو يسرقون غير لاب توبها خخخ طبعا ما مر الموضوع بسهوله خلو السيكيورتي اللي عند البوابه اللي تطلع منه البنات يشيكون على كل لاب توب يتاكدون هل هو أو لأ,,لانه من حظها انها كانت مميزتنه بشي,,,والكل اللي في الجامعة عرف بهالشي
عقب لقوو لاب توبها مفرور ويابوه للإدارة ,,,شكل اللي كان مخطط يسرق اللاب توب خاف وعقه لا تستويله مشكله بس كان ف خاطريه يشيكون البصمات ويكشفون السارق عشان مايسرق مره ثانية
صدق حرام نحن مسلمين ويطلع من بينا سارقين؟
أنا برايي لو الجامعات والكليات اتحط قوانين صارمة عالسرقه وايد زين و أتمنى إنه يسوون شي يحزم هالموضوع ويقلل من ظهور هذي الظاهره لانه كل مالها اتزيد

أبغيكم اتشاركوني كيف ممكن الجامعات والكليات يقدرون ايحدون ويقللون من مشكله السرقة سواء بيزات او فونات او لاب توبات؟!؟ كيف نبعد السارق او السارقة سواء طالبة او عاملة وانخوفهم من السرقه؟
طبعا غير حل الكاميرات لانه يعتبرون الجامعة انه فيها انتهاك لحريه الطالبات وخاصة انه فيه جامعات فيها شيخات ومن المعروف انه الشيخات ماتتصورن وبعد فيه اهل مايحبون بناتهن ايكونن مراقبات بكاميرات
شو تنصحون البنات اللي ينسرقن منهن اغراضهن؟؟ هل هذا اهمال منهن او لا مبالاه ياغراضهن؟

أتمنى آراءكم لانه الموضوع واايد وايد مهم