المهم بيتي بيت شعبي من دورين استلمناه من ثمان سنين والله يرحم ويغفر للي فك ازمتنا …. ومن خمس سنين صارت عندي اهتمامات في الديكور وهوس في جمع مجلات الديكور وعقبها كرهت البيت وديكوره القديم وكان اقوم احن واحن على ابو الشباب انه انغير في ديكورات البيت ونسويله صيانه (( تعرفون الغش الموجود في البنيان )) وبعد جهد جهيد استغرق اربع سنين وافق ابو الشباب الله يسلمه وبدات مرحلة المعاناه مع الاسعار والاحلام كان اقول بريح عمري وبييب مصمم ديكور وبفتك والله لايراويكم يوم سرت ولفيت وعرفت الاسعار سعر الديزاين بدون الاثاث بسعر نص الميزانيه وحسيت انه احلامي في البيت الحلو تبخرت كان اشمر عن ايديه واتوكل على رب العالمين مفرج كرب المغلوبين
وابدا رحلة اللف بين محلات الصبغ والاثاث والسيراميك وضبط النفس وبديت في الارضية في الدور التاني كان نفسي في الخشب الباركيه وواجهتني مشكلة سعره المبالغ فيه وانه مايستحمل الماء وايد وانا عندي عيال كان ابدل للفرش الفينيل اللي بلون الخشب وبعد حذرتني ربيعتي من انه مايستحمل سحب الاثاث وسرت ادور في السراميك حصلت اشكال مختلفة في العنقاش وفي الحلو اللي اسعاره كانه ذهب لكني ما استسلمت وخذيت الدريول ويا اختي عشان ارحم ابو الشباب وماخليت مكان يمكن يخطر على البال وخيرا كان احصل طلبييه سراميك اسباني على شكل مستطيلات طؤيلة كانه خشب حتى ملمسه ولمعته نفس الشئ قلت اكيد امي راضيه علييه لان سعره معقول 40 درهم للمتر وما شفتوني وانا واقفة مع الاستاد اللي يصف السراميك عشان يصفه بالطريقة اللي اباها وتطلع مثل الخشب وياعباتي اللي عالراس وغشوتي وابو الشباب المحرم:1 (47): والهندي يتحرطم ((اييه ماما هذا في واجد خساره سراميك ))وانا اقوله بابا مافي مشكله :1 (78):انا بد فع لين صفيت وياه نص غرفة وخليته يكمل عقب ما كنت بنجلط من الحر والله يعيين العمال وهذي هي النتيجة::
الله يهنيج إب بيتيج ..