وليش انا وايد ادقق عالنظافه وهن مايعيبهن اتآمرينهن كل اشوي …يبن كل شي على كيفهن….
اللحين قمت اطنش بس مب دوووم بس من اطفر انفجر في الشغاله واعق عليها القنبله الذريه خخخخخ…
بس هيه خبر خير مب مفتكره لانها تدري اذا قلت ماباها تسافر من حسابنا…
بس الوااحد مايقدر يشتغل بروحه خاصه اذا عندج عيال واايد بس الواحد شو بيقول …
شر لابد منه في كل بيت…
انا صار لي سنين واجيب خدامات ومره وحده بس رديت خدامه المكتب لانها ضربت ولدي البيبي بقنينة الحليب يعني عيب لا يغتفر
بس كلهم فلبينيات ومافي وحده تجيج كامله والله منهم يجوني الله يعزج وصخات واعلمهم حتى السبوح
ويجوني مو مشتغلات قبل واصبر واعلمهم كل شي من الالف للباء
يعني لاتتوقعين تجيج وحده على مزاجج انتي تستلمينها زفت وانتي تشكلينها مثل ماتبين وتعلمينها وتتعلمين تتعاملين وياها
الناس عبالهم انا محظوظه بخداماتي بس الحقيقه اني صبوره واعلمهم كل شي
وصدقيني من شهر جتني خدامه فلبينيه مسلمه خبره لبلبنان قلت ابا اريح راسي على الاقل تعرف تطبخ والله طلعت تعرف تطبخ نودلز بسسسسسسسسسسس وللامانه رز بشعيريه كمان
ماتعرف ولاشي شي من خبرتها الا كم كلمة لبنانيه تخيلي
والله ارد من دوامي واطبخ جدامها مسكتنها دفتر تكتب كل شي اطبخه خطوه خطوه وطبعا احيانا النتائج كارثيه بس لازم اتحملها لين تتعلم 
وياصبر ايوووووووووووب
لو بردها واجيب غيرها بتجيني وحده بعيوب ثانيه اهم شي ماتكون تعرف رياييل والا اخلاقها وصخه او حراميه الباقي مقدور عليه