يالسة اقرى المواضيع اللي في القسم و اقرى مشاكل مع انه المفروض انه نستفيد من خبرات بعض و انشارك بعض اب طرق انجدد فيه روتين حياتنا الزوجية. و انا حبيت احط تجربتي :
مرة اخت ريلي كانت شاريه حق بنتي لبس اميرة (يي وياه تاج) و بنتي لعبت فيه شوي وفرته اتدور لعبة ثانية. شي طبيعي.
المهم بعد كم من يوم كنت مرقدة عيالي و اتريا ريلي يرد من عند ربعه. كنت متعدله -لابسه قميص نوم ازرق فاقع فوق الركب و حاطه مكياج و شعري كان مبلل.
و بنتي عندها خيمة عوده في الغرفة فاره كل العابها في هالخيمة. فدشيت انا الخيمة ابا الم اغراضها و من بين هالالعاب تاج الاميرة اللي يي مع اللبس. ما كان قصدي شي بس لبسته شوي اتذكر ايام طفولتي ويدش ريلي علي في هاللحظة. سألني شو ها بعد. مادري شو اللي خلاني اقول .. انا الاميرة علياء و اذا زقرتني اب اسمي ما برد عليك .. و اول شي عصب لأنه صدق كنت مسوية عمري اميرة.. شلني .. سكر الليت .. يبلي ماي.. سولي مساج لول.. بس حسيت الحركة وايد واااايد عيبته. احس الريال مب بس يبغي حرمته اتغير في شكلها مرات بس حتى هي بكبرها تتغير.
الحركة الثانية هي .. و هالحركة ما بتكلف وايد.. سيروا بيبي شوب و اشتروا هالخيم الصغار .. انا اشتريت خيمة بنتي اب 110 درهم و اتكون على شكل قصر. يوم يي ريلج في الليل قوليله انه انتي الاميرة "x" و غيري اسمج .. و عقب اعزميه على خيمتج. ما تتخيلووووون شو الجو داخل هالخيمة بيكون خصوصا انه الخيمة صغيرة !
🙂 ابا تطبيق لووول
يا الله يبالي اجرب بس كيف ماعندي بيبي
عادي لو سويتهاااا يتحراني خبله خخخخخخ
ههههههه
وسنورايت بعد .. التغيير حلو .. انا لازم اغير بشكلي واسلوبي .. لدرجه انه ريلي يدلعني في كل مكان حتى حذال اهله واهلي
ويعاملني صدق صدق اني بيبي هههههههه فديته الله يخليه لي يارب
مشكوره ع الموضوع الغاوي
المشاركة الأصلية كتبت بواسطة ليتني كفن زايد 
يا الله يبالي اجرب بس كيف ماعندي بيبي
عادي لو سويتهاااا يتحراني خبله خخخخخخ
لووول .. انا ما كنت قاصدة .. الله كاتب انه يستوي الموقف بهاي الطريقة و انا من كثر ما عيبني احس بيكون واييييييد حلو
شوفي اذا انتي ما عندج عيال بعدج و ما تبين تشترين خيمة .. اشتري لعبة الممرضة بتكون على 40 بالكثير ..و قوليله انته شكلك وايد تعبان اليوم تعال بفحصك .. و حطي السماعات على قلبه قوليله يا ويلي .. شو هالصوت .. ليش قلبك جي.. سكر عيونك بعطيك دوا .. و مووواح ! تمثيل على تمثيل .. سميني الدكتورة لؤلؤ .. لازم اسم شوي غريب عشان يكون في ذهنه ههه
المشاركة الأصلية كتبت بواسطة Um_BirGa3_NIKE ههههههه
والله من نكج يتني فكرة ههه شو رايكم مثلا كل وحدة تشتري برقع و يوم يدش ريلها عليها تتحرش فيه و هي لابسة البرقع و عقب اتقوله لا .. عيب .. لا مادري شو .. اونه جو بدوي .. يااااي باجر بشتري برقع 🙂