اليوم سرنا دبي مول انا وريلي واخوي واختي المهم دخلنا انا واختي محل نتشرى جان يقول ريلي دشوا انتو زحمة كله حريم قلت في خاطري زين عرفت انه حريم كل محل يدخل عادي عنده بس هالمحل استغربت ما دخل ٍواخوي وياه طبعا المهم قلت له اوكي ودخلت المحل وقلبي ناغزني وخليت عيوني عليييه اختي تكلمني وانا مب وياااهاااا والا تعرفون هالبنات مال العطورات استغفر الله خلوني اسبهاااا عشان ارتاح شعرها لون برتقالي اتقولون ام الدويس وطوووييل مادة العطر صوب ريلي ومصرة انه يروح ريحة العطر وتضحك وتتميلح وتتحيس يمين يسار شفته اول شي قال لا من حركة راسه ورفع ايده يعني مشكورة لا بس تمت اتحن عليه اخوي فديته والله عااقل وماسك الاكياس ولا حتى قال كلمة والا فجاة شفته يسير صوبها قسسسسمممم بالله طلعت من المحل وانا عيوووني احسها جمر والله العظيم كنت بسير اضربها الشيطان قال لي سيري وشديها من شعرها البرتقالي ام الدويس عاد انا طالعه سيدة صوووبهااا اعتقد اخوي خبره اني يايه بعدين هو يا صوبي قال ها خلصتوا قلت لا ما خلصت هالحيوانة غصب تبيع العطر ليش ما تعطي الحريم اللي يمرون ومصرة تعطيك والله كنت بسير اضربها صدق نرفزتني وهو ماسكني ويضحك واختي واخوي يقولون فشلتونا محد يطلع وياكم قال والله قلت لها مابا واخوي يقول والله قالها ما يبا طبعا اخوي بيدافع عنه قهرتني المشكلة اني شفتها وشفت نظراتها حقه وحركاتها ومنظرها ملفت مع لبسها وشعرها
استغفر الله خربت علي يومي زين اني خليت عيوني عليه والا جان الحين الله يعلم شو صار بو عيون زايغة خاطري يمشي وعيونه في الارض يوم يشوف حريم بغيت اشرب من دمهااا ام الدويس
ديروا بالكم على رياييلكم من الحريم اللي يبيعن عطورات في المولات والله اعرف واحد سحرته وحدة منهم كانت تشتغل في مكاان عطورات وعطته قهوة وهد حرمته الطيبة وتزوج هذيج ما يحتاي اقول جنسيتهم دوووم رقوا رياييلكم واقروا عليهم والله هالزمن صار يخوف الحريم يركضن ورى الرياييل ركض
اسمحولي معصبة للحين هههههههه
وبعدين تصرفج ف المول ابدا مب حلووو ومب راقي.. كان المفروض تمسكين اعصابج شوي
الله ياخذهن بنات ابليس… سراقات الرياييييل
صدقج هالزمن الحريم يدورون المعرسين أكثر وخاصتا الجنسية ألي أشتهرت أخر فترة 
وخبروووني عن واحد انعرفه يقوللهم ماعرف من رشه العطر علي وانا قلبي متعلق فيها والحمدالله اتلاحقوا عليه وودوه عند مطووووع
واربيعتي اتخبرني عن موقف صار لها في الصالون حرمه عربيه تسالها انتي متزوجه اربيعتي قالت لها لا قالت لها انا برتب لج جان محطيه حد في بالج
اربيعتي قالت لها شووو؟؟؟ الحرمه قالت لها بعطيج اجحال واتجحلي فيه وشوفي الريال وشوفي كيف بيركض وراج
عافانا الله لهدرجه هن ميتات يبن مواطنين الله يبعدنا عن شرهن
استهدي بالله بس
الريايييل اللي يبصبص بيبصبص طول عمره ما يحتاي وحدة تزقره و ترش له عطر
خاطري مرات اعضه هذيك الساعة والله خواتي ما اتهنى بسيرةالسوق معاه الحريم يدورون بضاعة وانا عيني بعينه اشوفه وين يطالع
اذا تبين تعصبين على حد عصبي على ريلج.. او ريحي راسج ولا تطلعين معاه اسواق احسن..
الله يستر عليج