اتمنى الموضوع يكون مميز والقى تفاعل فيه
وخاصه للي عندها تجارب واطفال مميزين ومتفوقين ربي يخليهم لكم ذخر 
بما انه ولدي ان شاء الله السنه اليايه بيكون اول روضه ومن الحين دخلته حضانه للاسباب:
1) يتعود ع جو الروضه والاطفال والباص
2) يقوي ايده في مسكت القلم ويعرف التلوين والالوان وحافظ تقريبا 3 ألوان
3) قبل لا ادخله الحضانه حافظ الحروف باللغتين كلهم
4) من دخل الروضه حفظ أول حرف انجليزي مع الكلمه ويعلمونه شوي شوي ومن غير النشاطات الترفيهيه الي تسويها الحضانه من العاب مسابقات ترفيهيه وتعليميه
مثال: يكون عندهم يوم الاورنج يخلون الحضانه كلها اورنج
من فواكه بالونات كل شي عشان يتعرفون ع هاللون صراحه شي ممتاز …
بس إلحين اني للاهم شي :
طبعا الطفل المتفوق يكون ذكي بس الاذكى الام انها تحاول تنمي مواهب اطفالها عطونا خبراتكم …
كيف تاسسونهم كيف تحببونهم بالروضه والمدرسه
كم ساعه باليوم تذاكرين لهم ..
شو علاقتج مع مدرساته وكم مره تزورينه بالشهر عشان تسالين عن مستواه التحصيلي
شو عن النشاطات تهتمين تسوين له اوراق عمل او نشاطات ولا
وأذا ناقص شي خبروني بلييييييز انا ولدي البجر واحاول كثر ما اقدر اصقل فيه حب الدراسه
بانتظار تفاعلكم بالموضوع
المشاركة الأصلية كتبت بواسطة نااادر وجوودي 
ياريت تخبريني شو عمر ولدج او بنتوتج يعني ولدي عمره 2 و 10 شهور باقي شهرين ويدخل 3 سنوات
مم الحين اطبع له اوراق عمل ع مستواه وتلوين يعني اشياء ترفيهيه
مم واتريا توصل الخدامه عشان اهتم فيه اكثر واكثر يعني ببدا اعلمه الحروف بسوي نفس النشاطات
ولواحات اعلقهم واوراق عمل بالحرف مع الكلمات الي تبدأ بنفس الحرف
يالله وينكم نبا تفاعل اعطونا خبراتكم
بخبرج بس ماتضحكين علي
بتقولين تو النااس
ولدي عمره 8 شهور
بس انا وايد اهتم في هالسوالف
لاني وايد احب الدراسة فأريد احبب ولدي فالدراسة من الصغر
والبيبي في هالعمر يفهم بس شوي شوي
والله حتى من الحين أسأل شو احسن الحضانات وشو احسن المدارس
وكيف الاقساط
عشان اتجهز واجهز ولدي
وبما انج دخلتي ولدج حضانة
هاي احسن خطوة
لانهم يجهزون الياهل لمرحلة الكي جي
ويكون متأقلم مع الجو
وانتي حاولي تتفاعلين ويا ولدج يوم يخبرج شو سوا فالحضانة وشجعيه
ترا اهم شي التشجيع
اسمحيلي طولت
ان شاء الله يعجبج الموضوع
معا خطوة بخطوة لتعليم أبنائنا " ج1 "
https://forum.uaewomen.net/showthread.php?t=145879
معا خطوة بخطوة لتعليم أبنائنا " ج2 "
https://forum.uaewomen.net/showthread.php?t=334773
معا خطوة بخطوة لتعليم أبنائنا " ج3 "
بس شو الطريقه اللي حفظتي ولدج الحروف