بسم الله الرحمن الرحيم
بناااات من الي جربت شوربه الرجيم
بصراحه انا سمعت انها اذا تركتيها فتره تردين تمتنين ضعف الوزن
اتمنى من الي جربتها تخبرني لان ابي اجربها وشاريه المكونات بس خفت من اراء البعض
وبعد لازم نتبع الاكلات الي محطينها يعني اليوم الاول فواكه واليوم الثاني خضار واليوم الرابع فواكه وخضار و….الخ
فلي جربتها تخبرنا لان ابي اضعف ورانا اعراس
اب اب
هلا وغلا تبي الصراحه وخلى عنج كل الخرابيط المهم أكلي اكلج عادي بس لا تكثري من الاكل وبعد كل وجبة شربي كوب شاي أخضر أسمه تــويننجز متوفر في السوبر ماركت والسفير وضيفي معاه زنجبيل مطحون مش طازج لا مطحون بتلاحظي بعد أسبوع خفيتي بس أهم شي تخففي من الاكل وأمشي ساعة والله أنج بتحسي بفرق وااااايــــــــد وخبريني شو استوي معاج
تسلموون الغوالي ع مروكن
اختي تسلمين ع الطريقه بس مشكلتي ما احب الزنجبيل ما اتوالم وايه موليه
فما احب اشربه
خبرينا عن رجيم الشوربة هو عبارة عن أي شوربة بالضبط لو سمحتي؟؟؟؟؟؟؟؟
هلا حبيتي
الشوربه عباره عن بصل اخضر وكرفس وملفوف وصلصل طماط ومكعبات ماجي وبهاراتوفلفل اخضر بارد ينطبخ كلها ويا بعض بعد ماتقطع الخضره لمده عشر دقايق حتى ينظج الاكل وتشربيناها يقولون تضعف حوالي 7 او 9 كيلو بالاسبوع