خلال بحثي عن رجيم ينزل الوزن بسرعه وغير متعب وغير مرهق وفي نفس الوقت صحي وغير ضار حصلت هالرجيمات الي تعتمد على الارز واحب افيدكم فيها لاني اعرف مثل ما انا اعاني عشان انزل وزني وتلوع جبدي من رجيم البروتين فيه غيري وايد فحصلت هالرجيمات وحبيت افيدكم فيها وفي اقرب فرصه بجرب هالرجيمات والي تحب تستفيد تجرب والي تحصل نتيجه تدعي لي تراني محتاجه للدعاء يزاكن الله خير
اول رجيم اسمه رجيم الارز والاناناس وهذا تعليق وحده من الخوات الي جربت هالرجيم :
انا جربته وبالفعل كل يوم كيلو وخلال اتنى عشر يوم اكيد اكون نازله اتنى عشر كيلو وان شاء الله اثبته وش رايك ياخت نشكافه نبتدي يوم السبت اللي هو بكره ونشجع بعض هيا الى طريق الرشاقه 
ريجيم لذيذ يحتوي على الارز و الاناناس. سريع و فعال ويفقدك 2 كيلو فى يومين فقط
وان لم يتوفر الاناناس فبامكانك استبداله بعصير اناناس خالي من السكر و اناناس معلب
اليوم الاول:
الإفطار:
1 كوب من عصيرالاناناس+1 شريحة اناناس
الغداء:
1 كوب ارز مسلوق +بيضة مسلوقة او مقلية في قليل من الزيت1+ كوب عصير اناناس
العشاء :
1 كوب ارز مسلوق +سمك ابيض مسلوق او مشوي بقدر حجم الكف1 +كوب من عصير اناناس
اشربي الكثير من الماء و يمكنك شرب الشاي بدون سكر او حليب و مع قليل من الليمون
اليوم الثاني :
نفس اليوم الاول
وفيه رجيم ثاني بعد وحده من الخوات كتبت تجربتها مع العيش وكيف كانت تنزل تجربتها وبالاذن من صاحبه الموضوع بانه منقول راح اكتب لكم تجربتها:
ريجييم الارز………………………4 كيلو في اسبوع
مرحبا اخواتي هذي اول مرة اشارك في قسم الريجييم وانا من الناس اللي جربت كل انواع الريجييم بس هذا الريجييم غير لاني مااجوع وينزل وزني وهو عبارة عن
رز مطبوخ بدون زيت اوزبدة وملح مع زبادي منزوع الدسم وباي كمية لوجبة الغداء طبعا مع اي نوع دايت
والفطور والعشاء فواكه (ماعدا المانجا والموز والعنب والبلح)
طبعا انا انزل على هالريجييم 6 او 7 كيلو في اسبوعين ………….ومن اهم الاشياء اللي اسويها اني اكل وجبة الغداء متاخر الساعة 4 او خمسة واحيانا اصوم واتفطر بوجبة الارز.
وطبعا ممكن اضافة ملح الريجييم
جربوه ومش راح تندموا
اشرب يوميا3 دايت سفن اب او بيبسي والحمدلله ماترهل جسمي واذا جعت اصبر نفسي بشاي مع ملعقة حليب منزوع الدسم او شاي اخضراو قهوة تركية علشان تسد نفسي يعني احاول اني ماانشف ابدا دائما سوائل واذا جعت بزيادة بزيادة اجيب لي خمس برتقالات وقطعتهم بنفسي وكلتهم
طبعا مع الشاي احط سكر الذرة
الاسبوع اللي فات يوم الجمعة كان وزني 67,5
اليوم وزني 63 يعني اربعة كيلو ونص في اسبوع ويومين وانشاءلله بكرة 62,5 لان اليوم وزني مانزل انشاءلله بكرة ينزل واتمنى قبل السفر الاسبوع الجاي يكون وزني 60 او 59 السنة اللي فاتت كان وزني 65 وسويت الريجييم لمدة 3 اسابيع ونزلت وصرت 55 ونص يعني 9ونص كيلو في 3 اسابيع وانا مش مجوعة نفسي طبعا ظليت على هالوزن بين 55 و 58 لمدة 6 شهورو بدأ رمضان وانتو عارفين الباقي…………………..
لا حبيبتي البغدادية ايش الفايدة اذا حطيتي ماجي اهم شي بدون زيت واذا بملح بس ملح الريجييم
اول الايام بتجوعين واجد انا اول خمس ايام كنت اكل صحنين كاملين واربع علب زبادي وعلبتين بيبسي دايت على الوجبة وكنت اشرب خمس اكواب شاي متوسطة على مدار اليوم وفي الليل عشر برتقالات بس مع الايام بدت تقل رغبتي في الاكل وصرت اشبع من صحن واحد وفي الليل صرت اكل برتقالتين بالكثير وبصراحة انا امس خربت الريجييم لان كانت عندي مناسة بس وزني مازاد الا 200 جرام وانا عن نفسي اذا كنت مسوية ريجييم مااحب ابوق ولا حتى قطعة قد الحبة الصغيرة والسنة الماضية لما سويت الريجييم كنت اخرب في الاسيوع مرة وحدة وكنت اكل وجبة وحدة وصنف واحد على الغداء
ان شاء الله تستفيدون والي تجرب هالرجيمات تقولي عشان بسويه معاها ونشجع بعض يالله شدو همتكم لطريق الرشاقه بدون جوع وحرمان
انا اموووووت في العيش وهوه سبب ضعفي في الرجيم
وان شالله من الاسبوع الياي بابتدي اول رجيم كتبتيه
والله يوفقج يالغلا دنيا واخره
مشكوره حبوبه
كنتي اتسوين اي نوع من الرياضه؟؟
انا ببدا فيه باجر او اللي بعده