اليوم الحمدلله يارب افتكيت وسويت الفحص الطبي ><
بس انا مستغربه انه بس بس سحبو مني دم ،، يعني اللي قريته من تجارب العضوات انه خذو منهم الطول والوزن والضغط وبعض المعلومات
وغير جي حرمة اخوي قالت تحليل بول -اكرمكم الله- :$ !!
بس اليوم لما رحت بس طبعا قدمت لهم 3 صور شخصيه وصورة الجواز وبطاقة ثقه
وعقب نادو اسمي وخذو مني رقم التلفون بس وقالت لي روحي هذيج الغرفة لسحب الدم
والحرمه سحبت لي بس غرشه وحده >< الحمدلله كنت خايفه 2 وقالت خلاص ،، انا استغربت قلت مافي تحليل بول ،، مافي شيء ثاني ؟؟؟
قالت لاء بس هذا المطلوب حق عقد الزواج وهالابره سألتها حق شو قالت حق الله يحفظنا ويحفظكم الامراض المعديه الايدز وغيره من هالامراض
اما تحليل الدم حق الثلاسيميا والامراض الوراثيه قالت هذا حق الاهل الاقارب ،، قلت لها خطيبي مو من اهلي ،، جان تقولي احسن تسوينه اذا تبين ومو مطلوب عند عقد الزواج
يعني باختصار الملاج مايملج الا بعد مايشوف ورقة الفحص الخاصه بالامراض الخطيره ،، اما الوراثيه والجنينه لاء ؟؟؟
لانه اختي بعد عرست قبل سنتين ونفس الشيء ماخذت ابره الا مره وحده وماسووت التحليل الثاني للامراض الوراثيه ،، وانا قلت خلاص ماله داعي >< بروحي دخت من الابره
فأبي اتأكد اللي سوو فحص من قريب جي صار معاهم ؟؟؟
وخبروني انه النتايج تطلع الاحد الياي ،، يعني تقريبا 5 ايام ،، مو جنه وايد ولا تطلع قبل ؟؟ ومشكورين
بس بخصوص الامراض الوراثيه حتى لو مش من الاهل لكن يمكن نفس المرض الي عندكم وراثي عندهم .. الا وهو الثلاسيميا …
اعرف وايد بنات خذن من برع والمرض وراثي طلع لانهم حاملين المرض ف جيناتهم 
وهم مب اهل ولا يقربون لبعض
يعني لو سويتي الفحص بخصوص الثلاسيميا احسن لج مستقبلا
وبالتوفيج غلايهـ .. ~
وبس ياخذون فحص الدم ماياخذون شي ثااني
على حسب معلوماتي
واللي قريتي تجاربهم يمكن من دبي والشارجه لانهم يطلبون عليهم فحوصات اكثرر .،
انا سووولي مثلج بالظبط وطلعت النتيجه وملجت الحمدالله =)
والله كل ما اتذكر الابره خلاص مااتحمل >< ان شاء الله بفكر بهالشيء
الساميه مشكووره وقالو لي 5 >< شكلي بسألهم قبل
الظي ما شاء الله عالبركه اختي وعسى الله يوفقكم ويبعد عنكم الحسد والعين ويرزقكم من فضله العظيم