تخطى إلى المحتوى

اليوم بعلمكم شقا تصبغون الباب وتنسقون حمام الضيوف او

بسم الله الرحمن الرحيم

شحالكم وشخباركم
اتمنى الكل يكون بخير وسعيد ان شالله
واتمنى تكون سنة 2024 انقظت وانطوت ويارب تكون السنة اليديدة سنة خير وسعادة على الجميع
وتتحقق كل امانيكم اللهم امين

__________________________________________________ ____

طبعا تذكرون موضوعي (( الي صبغت فيه زاوية الصالة))
وكانت هازاوية بلون الاخضر ومرسومة بالبني والكرستال
وفي كل بيت او فيلا او شقة
في (( حمام التواليت )) عزكم الله
وهو حمام صغير مافيه غير مراية ومرحاض واكثر اللي يستخدمونه الضيوف
ونادرا ما نهتم فيه
واذا اهتمينا حطينا فوط ومزهرية ورد وكان الله غفورا رحيما
………………………………………….. …………………………………………..

انا من يومين بديت اعدل حمامي (( للعلم ان بيتي يديد))
ف من احصل وقت فراغ واكون مخلصة من مسؤولية عيالي ومذاكرتهم و و و و
اشتغل ساعتين وارتاح
وشغل اليوم ماخذا مني الا يومين وطبعا (( بمبلغ بسيط))

الحمام هذا موجود بمدخل ممر الصالة وتحديدا عند الجدار اللي رسمته
وانا كملت رسم الممر وبتشفونه واضح في الصورة بنفس طريقة رسم الجدار بس مقلم

وباب الحمام كان ابيض …. يعني ما يخص اللون في المكان
خليجية

وطبعا سرت محل ايسدوير لانه عنده ماكينة خلط الالوان بالكمبيوتر
وشتريت ..
خليجية
خليجية

– صبغ زيتي لون البني الغامج ( العلبة للباب ب 70 درهم)
– لزق للحواف ( 5 دراهم )
– فرش لصبغ ( 20 درهم )
– ماكينة ضخ الصبغ الهوائي ( 250 درهم ) ومب لازم تشترينها
خليجية

وبديت اول شي ……

الزق حواف الباب والقفل والزوايا المعدنية
خليجية
خليجية

خليجية
خليجية

وما ننسي نلزق الحواف من داخل بعد
خليجية

بعدين حطيت الصبغ في الماكينة لاني مابا استخدم الفرشاة الا في ترميم الفراغات
ولانها اسرع وما تاخذ مني وقت.

وخلصت من صبغ الباب
خليجية

اني ندخل الحمام .. ومثل ما شايفين انه بسيط وصغير
خليجية

شتريت هالكسسوارات وتنباع كل حبه بروحها في هوم سنتر واسعارهم وايد عادية من 30 الا 50 درهم
خليجية

وشريت فوط صغيره للوجه ونسقتها بهاطريقة
وحطيت اشياء اساسية ممكن يحتاجونها الضيوف مثل
عطر. كريم مرطب لليدين . غسول للوجه.. اعواد قطن .كلينكس مرطب. معقم للفم .صابون سائل
خليجية

لاحظوا ان فوط اليدين تكون مختلفه عن فوط الوجه
من حيث المكان والتنسيق والالوان .

واختياري طبعا للفوط الاحتياطية والوانها تكون بنفس الوان الحمام والصالة
بني واخضر وبيج
خليجية
نضيف لوحات فنية تعطي للمكان طابع خاص وراحه لشخص اللي موجود في الحمام

ثريا لشموع شريتها من القرية الفلبينية ب 250 درهم لان وقت المسا الحمام كله يكون منور بالشموع
والاضائه ما نستخدمها الا لل …………(…………)
خليجية

والثريا شريتلها نباتات بلاستيكية
وحطيتها بالوسط وعلقت فيها طرابيش
خليجية

خليجية

واخيرا كان التواليت بهاتنسيق
من المداوس اللي بنفس اللون الاخضر والبني وشريتها من ماكس 45 درهم
خليجية

خليجية

خليجية

اتمنى شرحي وحمامي عيبكم
حاولت اخلي قياس الصور بحجم الوسط وما قدرت اسمحولي
ولا تنسون تدعولي بكل الخير لي ولبيتي وان تتحقق كل امنياتي وان ربي يستر علينا ويحسن خاتمتنا
اللهم امين .

ما شاء الله

افكارج روووووووووووووووعه ما شاء الله عليج

روعه ما شاء الله عليج ابدعتي

مشكورين
على مروركم وكلامكم الطيب

ما شاء الله عليج دايما مبدعه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم خدمة أكيسميت للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.