مرحبااااا حريم
يلاا اللي عندها بيبي عمره سنتين تقولنا
كيف تتصرف وياه من ناحيت عناده وصراخه
تدرون بها العمر بعدهم يرمسون بس بعدهم مايعبرون بطريقه صح شو يبون
بفكيف تتعاملون وياهم يوم تظهرون برا او بالمول لانهم حركين مايبون يركون مكان واحد هههه
فديتهم والله
امممممممممم من ناحيت الرقاد والسفر
يلاا كل وحده ادش وتعطيناااا من خبرتهاااا خاصه للامهات اليداااااد
ولديه فديته توه مكمل السنتين ..وبصراحه اعاني من نفس اللي ذكرتيه …
نتمنى حد يفيدنا بتجاربه الناجحه ..
بقولج عن خبرتى شوى اليهال لازم يكونون عنيدين بها السن عشان ينمون شخصيتهم فلا تصرخين عليها بالعكس اقعدى معاها ورمسيها انتى بتقولين هاى ياهل ماتفهم شو بقول وانا اقولج لا تفهم لج يعن خليها تغلط عشان تفهمينها غلطها وراح تكرر الغلط يعنى مسالة وقت لانه التربيه صعبه ها الايام وعن المولات خليها تراكض بالعكس يستانسون انا اخلى عيالى يراكضون ويرجعون لى طبعا تحت عينى وصدقينى بترجع البيت مستانسه وعن السفر راح تتعبون معاهها بطياره لانهم يملون من القعده.. خليها بالقارى ويوم بتكونين فى مكان الزحمه فيه قليله نزليها خليها تستمتع وتراكض لانه لو قعدتو اتصرخون عليها راح اتم اتصيح وبتكرهون سفرتكم وعن الرقاد اعتقد صارت بسن نومها يكون طبيعى واتمنى اكون افدتج واى سؤال انا حاضره
بس عادي عليه حركات عناد ويصرخ واللي يبيه بيسويه..
الاغلبية يعني 70% أعطيه اللي يبيه
و30% ما أرضى وابين له ان هالشئ مرفوض
يعني مثلا عادي اخليه ياكل بروحه صح يوسخ بس اعلمه ان لا عيب ووسخ وشيل الملعقة زين وجي بدأ يفهم
لآنه يشوف اخوانه
العابه له بروحه..البارح نظفت غرفة الالعاب من الالعاب المتكسرة وخليت لكل واحد مساحة باسمه للعب انا والشغالة غسلنا الغرفة غسال..انا كل فترة وفترة افرفر الاغراض واطلع الالعاب اليديدة..
فيعرف ان هذي العابه والباقية العاب اخوانه
وقت البامبرز..الحين من مدة اعلمه على يترك البامبرز للحين الحمد لله فيه محاولات فاشلة وفيه ناجحة..
الوحيد من عيالي اللي حسيت اني تأخرت فيه وبعده صغير مع انه قام يرمس فديته ..
وقام يلقط انجليزي من الشغالة انا قايلة لها رمسيهم طول الوقت انجليزي..وبوقت فراغها تمسك بعض التمرينات تعلم واحد وانا واحد..
بس انا اقولج بتتعبين بها الفترة لآنها فترة شوي صعبة
وتبين الصدق : انا اشوف اليهال ل5 سنوات نفس الحركات بالعناد الا من رحم ربي
ولدي الكبير فديته صار عاقل ويرمس وارتحت اني اخلي اخوه عنده يدير باله عليه حتى ولو آخذ شور
ولدي الثاني اللي مطلع عيني فيه عناد وايد عمره 3 سنوات و10 شهور..كل شئ يبي نفس اخوه الكبير..
العيال مسؤولية وتربية يبالها صبر وايد
اي سؤال تبيه عن اليهال خبريني
وايد احب اهتم بعيالي وافكر لهم واسوي لهم العاب..علشان يستانسون 
بكون شاده عليهم من هو صغاار بس شووي مب واايد .. عشاان ما يدلعوون و هم كباار ..
المشكله لا ظهرت ورحت المول ترووح تركض وولا طاللع وراهااا
الحين لا رحت المول اخليها بالقاري وبالمحل انزلهااا انا عادي عندي بس ابوها شوي
من ناحيه الرقاد ترقد عادي بس اللي اقصده تتاخر بالرقااد اباها ترقد من وقت بس ما تبااااا
ومن ناحيت الاكل خلاص بروحااا تاكل اصلا ماتباني اكلهااا
اممممم البامبرز مادري بعدهاا احس
ماعرف متى للحين