بنات ساعدوني بليز… طلعت عيني من كثر ما أحاتي الوظيفة… 3 سنوات وأنا أدور… ومو محصلة… وايد محتاجة إني أتوظف… حياتي وايد صارت صعبة.. والله لو أقولكم قصتي ما بتصدقون… أموري تتوقف جي مرة وحدة على آخر شي يخترب علي!!!! مع إني واثقة إني مب سيئة لهالدرجة!!!!!!!!!! حتى صرت أدور شركات جديدة عشان أقدم فيها بس محد فادني…
بليز بنات اللي تعرف أي شركة فعلا محتاجة تقولي… أنا وايد محتاجة لوظيفة ما تتصورون كيف…
تعبت نفسيتي تعبت بدون وظيفة…
يا الله يا كريم يا رزاق يا حنان يا منان ارزقها من حيث لا تحتسب
اللهم اكفها بحلالك عن حرامك و بفضلك عمن سواك
اختي ردديها الدعوة و استغفري رب كل شيء
و صلي على النبي الأمي عليه الصلاة و السلام
و الله ما بيحرمك.
بس دامج من بوظبي احس انه بسرعه تحصلوون وظايف ماشاء الله
والله صارلي 3 سنين على نفس الحال تعبت…
أحس إن حياتي اختربت وايد… وايد نفسيتي تعبت…
مو قادرة أجابل نفسي أبدا…
هاتي جرايد واطبعي عشان تعلمين اصابعج ع مكان الحروف وتزيد سرعتج بالطباعه
حاولي تيلسين مع الناس الي ماتعرف عربي عسب تتقوى المحادثه عندج
ادخلي موواقع واقري عن المقابلات وكيف تتصرفين فيها ( وظائف بوظبي مثلا)
هالاشيا كلها تهياج للمقابلات وتخليج قوية جدام الاسئله الصعبه وانا هالشي طبقته على عمري وايد حسيت بثقه وحمدلله الحين اشتغل بدون واسطه ولاغيره ولاتنسين الرزق بكل مكان ورب العالمين يقول ياعبد اسعى وانا اسعى معاك