و طبعا خواتي الواسطات انواع , اذا شخص يتوسط حق شخص فقير حالته صعبه عسب يساعده بنقول ما عليه و الله يجزيه خير , ولكن شخص ما شاءالله عليه ما عليه قصور ويتوسطو له بس عسب انك تعرف ابوه و تقوم توظفه , فهذا ظلم لانك جدمت واحد توه متخرج و يمكن ما يكون محتاج لهذه الوظيفه على واحد يمكن مقدم وصار له سنوات يتريا دوره وما توظف على الرغم من الكفاء اللي عنده .
هذا غير اللي وظيفتهم جاهزه وهم بعدهم ما تخرجوا.
و في وحده هالسنه تخرجت و عندها دبلوم ولا خبره ولا هم يحزنون وتوظفت عن طريق الواسطه في دائره حكوميه و يوم تتكلم رافعه خشمها فوق كانها مسويه انجاز , ليش ؟ المفروض انها تستحي غيرها مخلصه بكالوريوس و اشتغلت بشهادتها و بجهدها واثبتت وجودها و عقب وظفوها وما سوت شرات ما انتي سويتي .
و الواسطه الثانيه اخس, الله يسلمكن كانت في وحده مواطنه اوكي, عرفت ان في وظيفه شاغره في قطاع حكومي و تخصصها مطلوب فيوم راحت البنت تقدم عند الموظفه و هي مواطنه بعد , قالت لها الموظفه: ما شي شواغر , عقب البنت سارت عند الريال و الريال مواطن قال لها :لا في وظيفه وانا متاكد سيري حق الموظفه , سارت حق الموظفه مره ثانيه بس الموظفه ردت عليها بنفس الاجابه ما في شواغر, بعدين عرفنا ان كان في شاغر بس الموظفه كانت حاجزه الوظيفه حق وحده من معارفها. بالله عليكن يجوز هالشي؟ هب يمكن هذا يكون رزق حق البنت وقامت الموظفه و قطعت رزقها؟(الموظفه يبغيلها ضرب .gif "12 (96)")
)
يقولون قطع الاعناق ولا قطع الارزاق.
وفي وحده ما شاء الله عليها ما عليها قصورمطلقه و تشتغل واهلها ناس ما قاصرهم شي عندهم خير من الله وبيوتهم تطرد فيه الخيل وهي عندها بس بنتين صغار وهي ساكنه في العين مع اهلها و راحت وقدمت على مسكن حكومي وهي ماشاءالله عليهاعندها واسطه قويه , ما صار لها غير فتره قصيره مقدمه , طلع لها بيت في ابوظبي و البيت كبير من طابقين , وقامت اجرته , و الحين تقبض البيزات و هي بعدها ساكنه في قسم خاص لها في بيت اهلها , وتخيلو البيزات شو تسوي فييهم ؟ صرف على الملابس والاكسسوارات , لان حضرتها اذا لبست شي ما تلبسه مره ثانيه فتقوم تتبرع عقب بهالملابس وتشتري غيرهم ( وايد كريمه .gif "12 (18)")
) , .gif "12 (66)")
هاي الحينه محتاجه حق البيت؟ غيرها ساكنين سنين بنين في بيوت الايجار او بيوت قديمه او ما عندهم بيت ويتمون سنيين يتريون 15 او 20 سنه واخرته يعطونه بيت صغير لان على قولت البلديه ماشي بيوت. كل هذا بسبب الواسطه.
صدقوني اعرف وايد بنات ما عليهم قصور و عايشين مرفهين ومدللين في بيت اهلهم , ما يحسبون حساب البيزات , و امورهم دوم متسهله و السبب انهم هب شراتنا , لان اهلهم عندهم واسطه اللي تيسر كل امورهم (فلانه ابوها هامور او يعرف الشيخ الفلاني او يشتغل عند الشيخ الفلاني او يغرف وزير …الخ) , حتى الوافدين لو تلاحظونهم اول ما يوصل البلاد يتوظف , ليش ؟ لان المدير تحصل قريبه وانا هالشي محد خبرني شفت بعيني.
بس اللي انا لاحظته ان الي يتعينون يالواسطه عاده ما يعتمدون وايد عليهم في الشغل لان على قولتهم كراف و هو مجرد شغل انا ما اعمم بس في منهم يتدلعون فالبتالي هالاشكال تعطي صوره سلبيه عنا نحن المواطنين امام الاجانب
انا كتبت الموضوع يا بنات لان صدق انا متضايقه من اللي اشوفه و ظروفي صعبه ما اقدر اسوي شي و نفس الوقت خايفه من المستقبل , لان حقوقنا ضاعت بسبب الواسطات , الفقير زاد فقر والغني زاد غنى عندنا و السبب الواسطات , بس ما اقول غير ان نحن ما لنا غير رب العالمين وهو اكبر واسطه.
.gif "12 (77)")
ابغي كل وحده شافت او صار معها موقف تكتبه سواء كان سلبي او ايجابي .
موضوع يستحق المناقشة
والحمدلله على كل حال 
مب طالبه اي وظيفه صعبه والا اكبر من شهادتي .. ابا اي وظيفه او ع الاقل بس مرره يتصلون فيني يقولون تعالي عندج مقاااااابله .. تعبت 5 سنين سهر وكراف وصياح على الدراسه الجامعيه وخذت شهادتي وانا مستانسه اني بحقق طموحاتي وقلت : الحين اقدر اشوف مستقبلي ,, الحين اقدر ابني حياتي واحسن من مستواي .. الحين بحس اني لي مكانه ودور بالمجتمع اخدم وافيد بلااااااااااادي حبيبتي الامارات ,, كل ماحد يسالني هااه ماتوظفتي شو ارد عليه ؟؟ مايبون يوظفوني ماعندي واسطه ؟؟
استوا عمري 25 سنه وانا مالي هدف اسويه بحياتي ؟؟ ماعندي وظيفه مااااشي مستقبل ؟؟ يوم اشوف بنات اصغر عني بس عندهم ثانويه يشتغلون .. اغاااار والله اغااااار اقول بشو هذيلا احسن مني ؟؟ استوا عمري 25 ما اداوم وشهادتي جامعيه .. بطالييه لا شغله ولا مشغله ؟؟ اصغر مني وضامنات مستقبلهم واناا ؟؟؟؟
وبيتنا جديم صارلنا سنييييين ساكنين فيه من قبل ايي لهالدنيا .. تعالي شوفيه شويه وبيطيح السقف علينا وابشرج طااح بس مب علينا لا بالحوووش .. بيوت شعبيه نتعب بتعديلها وتاثيثها .. شو الفايده وهي بيوت قديمه ؟؟ خساير بيزات بس .. البلديه ماعندها غير هالكلمه : يوم بنعطي البيوت بنعطيكم كلكم مره وحده .. وعقب نشوف ناس طالع اسمها وبيتهم بادي ينبني ومخلص .. ونحن في قائمه التطنيش والانتظار !
بس تعالي شوفي حتى البيوت اليديده والفرق بينهم .. الي عنده واسطه بالبلديه بيته من احلى الفلل وباقي الناس المساكين بيوتهم صغيره وضيجه .. والي صارله مقدم من سنييييين مب محصل بيت .. والي توه معرس محصل بيت بدون تعب وصبر هالسنين الي تعبها غيره وليومه مب محصل بيت ..
انا مب طالبه قصر ولا من احسن الفلل .. نبا بيت يديد ع قدنا حتى ولو طابق بسسسسسسسسس
لو عندي ملاييييييييين جان بنيت لنا بيت ولو انه على قدنا .. مب شرات بعض الناس عندهم ملايين وخير وعندهم كم بيت حكومي .. لكن العين بصيره واليد قصيره
الله المستعان .. الله المستعان ,, والحمدلله على كل حال
.gif "12 (22)")
, ما شي غير تعليقين.gif "12 (67)")
معقول محد استواله موقف غيري ,شكل الكل عنده واسطه الا انا, على الاقل ناقشن او رفعو الموضوع ولا الكتابه يبغيله واسطه بعد؟
امزح وياكن يلا ابغي الكل يتفاعل … قاعده اترياكم .gif "12 (74)")
المشاركة الأصلية كتبت بواسطة Ms anime 
, ما شي غير تعليقين معقول محد استواله موقف غيري ,شكل الكل عنده واسطه الا انا, على الاقل ناقشن او رفعو الموضوع ولا الكتابه يبغيله واسطه بعد؟
امزح وياكن يلا ابغي الكل يتفاعل … قاعده اترياكم
يالله !! يعني تعليقي ماعيبج وانا كاتبتنه وانا فيني حرقه .. يالله ماعلينا
اول ما دخلت المنتدى هذآ ..كنت طارحه مشكلتي
و كنت متضااااااااااااااايقه و مهمومه و رب الكون يدري
كنت مقبوله في وظيفه و بس كان باقي الامتحان و بحكم انه عندي الـ ICDL ،، كان شي سهل اني انجح
لكن سبحان الله .. من بعد شهر من الموافقه .. اتصل علي ّ واحد من الموارد البشريه و قال لي :
الاخت غاليه .. اسمحيلينآ توهم رجعوآ السيفي مالج و يقولون انج غير مؤهله للـ ….. !!!
جان انصدم و عقب اتصلت على الموارد البشريه و سآلتهم و استفسرت ..
قالواآ و الله هذا نظامنا .. بعد المقابله تجتمع اللجنه و تقرر اذا هالموظف يناسبنا او لآ !!!!
مادخل راسي الكلام و قلتلها طيب من كان مترأس اللجنه
قالت لي مآدري .. و ما بتقدرين توصلين لهم ..
هني قلبي عورني
و قلتلها ما عليج بوصل لهم بس عطيني اسماء ..
و ما رضت .. قلتلها خلاص .. بس المره الجايه .. قبل لا توافقون على اي مرشح .. المفروض تجتمع اللجنه
و طبعا ً سويت لها محضر + مناحه ..
بس الحمدلله اخر شي قلت اكيد خيره .. اكيد خيره ..
و شغله ثانيه …
عمي صارله فوق الـ12 سنه ساكن فـ شقه !!!
و راتبه ع قده ..
و من زمااااااااااااااااان مسجل عسب يطلع له البيت !!
بس للحين لآ شمينآ خبر و لا شفنآ طابوقه وحده ..
غامضني و الله
راح و بني له ملحق .. و المبلغ اللي بني فيه ما يسوى
ضيع كل شقى عمره و بيزاته على 3 حجر و حمامين و صاله
و كل ما يتصل فيهم و يسآل عن معاملته
يقولون قريب قريب !!
انزين لمتى !!!
ناس و الله محصلين فلل … و مآجرين هالفلل و ساكنين بمكان ثاني
انزين هالمواطن اللي اجر بيته على اجانب و لا وافدين .. احسبوا منه البيت .. اكيد مب محتاجه
و اعطوا هالبيت لشخص محتاج
بس مين ينصف يالغلا بهالايام !!
الله يرحمك يا بوي .. رحت و راحت معاك احلى ايامنا
الشكوى لله