الهديــه .

مافــي وحده بدنيا كلها ما تفرح بهــديه , خاصة لو كانت من حبيبج ريــلج صح و لا لا !!
لو شو ما كانت المناسبه او بدون مناسبه الهديه تعتبــر فرحه كبيره تسعـد قلــب المرأه وتزيد المحبه
السالفه :
انه ولا مره ريلي بعد ولادتي دخل علي بهديه على سلامتي , بس والله انه يتم معاي لين اخر لحظه من ادخل غرفة الولاده اللين ارجع غرفتي بلعكس حنون و يتم يحاتي و يحب راسي من اولد بلعكس انا ما انكر انه ريلي مافي احسن منه بدنيا بنسبه لي ..
بس بصراحه من كثر ما اتابع المسلسلات الاجنبيه خربو مخي و اثرت فيه شوي غربلاته اللي اشوفه داش على مرته بورده او علبة شوكلت او اي هديه ثانيه يعني رومنسيه
فانا خاطري هل مره اشوفه داخل عليه بهديه حتى لو كان بوكيــه ورد صغيره ما يهم بس المهم انه يدخل عندي و ايده خاليه , ياخي دقت في راسـي وابا ادلع شوي في هل الولاده ان شاء الله ابيها تكون غييييير عن كل مره و تكون مميزه في كل شي ف يارب يسهل علي و عل كل حامل يارب .

سؤالي هو بعد هل مقدمه الطويله : كيف افهمه اني اتريا هدية سلامتي منه او كيف اوصل له اللي في خاطري ؟؟؟؟ و عيالي بعد كيف اعلمهم ؟؟؟؟
اللي عندها خبره تخبرني و تشاركنا بليز ؟
انا بصراحه ما اقصر في و بعياله بل هدايا في كل مناسبه او بدون اخذ لهم هدايا بس بعد احسهم مب مهتمين وايد في شي هذا و لا اثر فيهم ذاك الاثر يعني , و ابي ازرع هل ميزه في عيالي بعد انه باجر لين اكبرو ان شاء الله اتم عاده فيهم و ما ينسونها ابد ؟؟

واللي يتاها هديه بعد تخبرنا و شو كانت يعني ( فضوول ها ) و شو حست فيه ؟؟؟
و بــٍس
يمكن البعض ما يعجبـه الموضوع و يعلق بمشاركه بايخه , فبليز اللي تبي تشارك حياها لانه الموضوع بلنسبه لي انا مهم وكيفي

ايوة صح اختي الهديه مهمه مثل حديث النبي صلى الله عليه وسلم تهادوا تحابوووا الهديه تكثر المحبه وتحسين انه يحبك ويذكرك في كل مكان

بس مو معنى انه زوجك مايحبك ماجاب لك هديه يكفي انه هو عنده اجمل هديه وهو انتي الله يخليكم لبعض

هلا الغالية كفاية وجودة وياج بغرفة العملية اغلى عن كل شي يا رب يسعدكم

ربي يقومك بالسلامه الي انتي بتشوفيه بالأفلام والمسلسلات لا تخلية يأثر ع حياتي كله كذب بس إحنا الحريم بنحب هاي الشغلات وبننجر وراها طبع فينا بس في كتير رجال ما بفكروا بهيك شي وما بيخطر ببالهم انا زوجي لما خلفت المره الاولى ظل معي وما فارقني حتى نام معي في المستشفى وما جابلي هدية بس ما فكرت انه مطنشني او شي لأني كنت شايفة انه الفرحة بابنه وخوفه عليه نسته كل شي بس انتي اذا بتحبي يجيبلك هدية مؤ حلوه تطلبيها لأنك ما رح تحسي بطعمتها بس تقدري لما تكوني انتي وهو تتفرجوا ع فيلم وشفتي واحد جاب لمرته هدية احكيله انك بتحبي هاي الشغلات وهو رح يفهم لحاله وإنشاء الله بتزبط معك

لا لا مب عمليه لاااا
طبيعي ان شاء الله

هههههههههههههـ
والله ادري بنات انه اللي في تفي كله خرط بخرط عاد خلاص تاثرت انا الحين و هرموووناتي مره ناقعه الف فوولت بعد
ترى اقول لكم هل مره اباا هديه وما يخصنــي
طمااااعه لااااا ههههههـ , و اكيد طبعا وجوده معاي فديته يكفي والله , الله يخلي لي يارررررب
بس والله هل مره انا طماااعنه صراحه مره مررره في خاطري والله , الا ابا هديه و شكرا فديتكن عل المشاركه

الغالية عادي الحياة حلوة….
انا نفسج ما احصل شي حتى ساعات اقوله ابا وردة لو من الحديقة البيت… لكن لا حياته لم تنادي…. فقمت شو اسوي اطلب… خخخخخ خليت ويهي لوح ورمست… مثلا اقوله العيد قرب ابا هديه… او اوديه المحل اقوله ابا هالهديه… والامور طيبه فديتج… بس طبعا ما بتحسين مثل يوم هو يهديج اياها من خاطره غير… بس مش حالك حالك يمشي ….. لولولولولول