يعني مثلا المعروف ان تكاليف الاعراس تكون عاليه جدا و العرايس عاده ماعندهم خبره بالامور التجاريه و حمايه المستهلك.. و في وايد طرق ينقص عليهم..
مثلا اذا بتدفعين 30 الف على كوشه ولا البوم ومايطلع بالمستوى المطلوب شو الحل؟
اذا تدفعين دم قلبج عالفستان و يطلع شي ثاني.. ولا العرس يطلع ناقص و مايستاهل اللي دفعتيه..
انا وايد احاتي هالموضوع و ما ابا ادفع اي فلس الا للشي اللي يستاهل
يعني ما ابا احط فلوس على سنتر بيس بو 30 ورده و يحطون لي وردتين اي كلام..
للاسف حضرت وايد اعراس و شفت اساليب النصب و الاحتيال و الورود الذبلانه و السرفس التعبان الخ..
بنات عندكم اقتراح بطريق ممكن نساعد فيها بعض انا مانتعرض للنصب؟
خلينا ندفع المبلغ قد اللي يستاهل.. واذا بتحطين بقشيش..هذا يندفع عقب الخدمه..
عندكم افكار نحمي فيها العرايس؟
لا تسيرين المحلات الجديدة الي ما لهم خبرة،،،
واااايد يقصون علينا لأن نحن سامحينلهم،، ونسكت عن الغلط.
لو كل واحد ينبهم و يوقفهم عن حدهم بيتأدبون
المشاركة الأصلية كتبت بواسطة فداك الروح 
لا تسيرين المحلات الجديدة الي ما لهم خبرة،،،
انا معاج..بس للاسف المحلات الكبيره نصابه بعد.. اكبر مثال العدسه الذهبيه.. مستغلين كثره زباينهم عشان شغلهم النظيف .. فيطولون ويزيدون في مده التسليم على كيفهم و اذا في غلط في شغلهم يلقون اللوم عليج..كله لانهم ضامنين ان الناس بتتعامل وياهم لقله المنافسين و لانها رائده في المجال..
وبعد مشكله المحلات الكبيره عليهم زحمه قويه.. و اذا المحل عليه زحمه و هو مايقدر يتحمل كثره الكستمرز عادي يسوي لج شغل اي كلام و يطول في التسليم و مايبدع لج في الافكار
في محلات طالعه في السوق و فيها ابداع .. بس يبالنا نسعر الشي على قده و ماندفع بزياده
المشاركة الأصلية كتبت بواسطة ::ملاك:: واااايد يقصون علينا لأن نحن سامحينلهم،، ونسكت عن الغلط.
لو كل واحد ينبهم و يوقفهم عن حدهم بيتأدبون
بالضبط
انا معاج 100% و ياليت لو تعطينا افكار نبدأ نطبقها عشان نوقف المحلات عند حدها..
اشكرج جدا على وجودج,,,
كيف ممكن نحاكم المحلات اذا اخطأوا؟ هل في قانون لحمايه المستهلك؟ وشو رقمهم؟ وكيف ممكن نتواصل معاهم؟ وكيف نكتب العقود مع المحلات؟ ترى 30 الف مب شويه على ترانزاكشن واحد..شو المفروض نحط في بند العقد؟ الخ..
انا صدق ببدأ حمله لحمايه العرايس و بجمع كل المعلومات اللي ممكن نحتاجها..
والله يغربلهم عسى
والمحل الي ماسوى لج العرس بالمستوى يعوضوج وهو تكون له نسبة 10 في المية مثلا من التعويض ^^ويرد لج حقج ^^
شو الراي خخخخخ كيفي أفكر