الملل قتلني وبيدمرني

السلام عليكم
خواتي انا اعاني من وقت فراغ مع اني طالبة جامعيه
ودراسه بس فوق هذا انا لما اخلص شغلي اتم بروحي يالسه
ماعندي حد اسولف وياه ماعندي حد يشاركني ماعندي حد ياكل وياي
يعني تخيلوا ارد من دوامي اتغدا بروحي والظهر فراغ ماعندي شي
اسويه ومرات اضطر اذاكر وانا توني راده بس عشان اشغل نفسي
والعصر اقعد مع امي وابوي وعقب كل حد يسير في شغله
وارد اقعد بروحي وهالشي خلاني اتجرا واكلم شباب اقضي وقت بس !!
يعني سوالف ولا فوق هذا تطورت السالفه اني امارس العادة واشوف افلام وهالشي كله كان تواصل ع البيبي مثلا او علي الكيك وجي هالبرامج
وانا والله للعظيم مابا مابا استمر ع جي بس ما الاقي شي اسويه
لا تقولون تلفزيون ؟ مليت كل يوم اشوفه وشطبت كل شي فيه
خواتي اخاف اموت وانا مستمره فهالشي والله حاولت واحذفهم
واحذف البرامج بس فتره وعقب يقتلني الملل وارد اضيف ناس غير
او انبش عنهم الاوليين تعبت من هالحاله اعصابي تعبت وانا ماعندي ربعات .. ربيعاتي مال المدارس مشاكل صارن وتفرقنا وانا احين فالكليه يعني اصلا جي ولا جي بنتفرق وكل وحده بتسير فجامعه
قلت انا بتعرف ع بنات يداد بس مادري شفيهن البنات ؟؟؟
لما تعرفت ع وحده انقلبت علي وتغيرت 180 درجه مع انها هي اللي
بدات تتعرف علي وانا والله ملتزمه بصلاتي وبكل شي ولا اطلع شعري ولا عندي هالخرابيط الحمد لله
ودرست مع بنات فالكلية وتعرفت عليهن 3 بس كل وحده ويا ربيعاتها
يعني مب ملزومات فيني !

تعبت كله ايلس بروحي وملانه وانا عندي تويتر وانستقرام
احاول استغل هالبرامج لاني احب الشعر واتم ع تويتر ابحث واغرد
وعلي الانستقرام انزل صور لاني احب التصوير بس ماشي فايده
واروح العمره واتوب وبعدين ارد والسبب هالملل

والله كل يوم افكر اخاف اموت اخاف الله يبليني ب ريل يسود عيشتي
اخاف من وايد اشياء وصرت اعرف وايد اشياء المفروض ماعرفها
طبعا هاي الاشياء شي منها من صديقات سوء ومن بعدهم صار فيني فضول للاسف اثروا فيني وايد وانجريت انا ورا هالاشياء
صرت اخاف من المستقبل لما املج واعرس كيف بتعامل مع ريلي
وانا كل شي اعرفه احس بيشك فيني وبكون كله امثل يعني شو ؟
كيف امسح هالاشياء من بالي كيف ارد بريئه

انا ما اتباهی ولا اتفاخر بالمعصيه بس ادور حل
مابا تجريح اللي عندها شي وتقدر تفيدني تكتبه
و اللي ما عندها يزاها الله خير

هلا اختي تناهيد من زمان ماشفتك في المنتدى او ماقريت لك موضوع ……

هلا

بسيطه اختي الواحد يحس بالملل بس اختي انتي الحين حسب كلامك عندك نوعا ما نشاط جنسي بس ماعرف هو مرتبط بشو بالضبط يعني تمارسين العاده السريعه عشان تتخيلين كثير وفي خيال معين

مسيطر عليكي ومب قادره تتحملين ولا شو السالفه ماعرف بس عندك مشكله انك تتخلصين من الشي الوصلك لها ……..حلها بالعاده التثقيف النفس والمشاركات او الاختلاط بالناس ….هي معروفها

انها عادة الكساله يعني الشخص المايتحرك كثير ويفكر وفي ناس مب فاهمين شو يسوون بالضبط… نفسيات الناس…..

بس اختي موضوع البراءه ماتخافين منه …..الحين في الدنيا لو انتي بريئه ممكن اي حد يستغلك سواء مراه او رجل …….. يعني البراءه مفروغ منها

الحين بسبب الانترنت والمحطات الفضائية والمجلات بمختلف انواعها البنات يعرفن كل شي والحين بعد في سينمات منتشره………..

فانتي معرفتك استغليها بانك يوم تتزوجين تعرفين تتعاملين مع الزوج ……بس الزواج يختلف عن العاده السريه اختي

انتي في العاده السريه والسموحه بروحك ومافي اي متعه بس انتي تتصورين عشان ارتباط الفكري فيها (وللحين ماعرف شو هو عندك) شوي قوي

بس الفكره مب صحيحه 100% بس اختي الزواج اكيد بيختلف عن ممارسه لوحدك

فلا تخافين بس فكري توقفينها عشان

حرام

تتعبين نفسيا

وتاثر على صحتك بكل الجوانب نفس عقلي اجتماعي وكله

فحاولي تعرفين سبب الممارسه وتصيرين واعيه ……………….

الملل حاولي تدورين مخرج

خذي دورات عشان الوظيفه

دوري وظيفه دوام جزئي

روحي مركز تحفيظ قران

وفي نصيحه روحي لاختصاصي نفسي يمكن يساعدك فيها……..

بس القرار لك في منافذ وان شاء الله تحصلين

وفي شي ثاني كل الناس يوم تبلغ وخاصه لو شايفه شي حاصل قدامها مثل افلام او اي شي لو بسيط بتفكر بالزواج والحب وغيره من هاي الامور

عرفتي علي…….يعني اغلب البنات والشباب الحين هذا نوعهم اختي…….بس حاولي توقفينها عشان ماتهدك وتعب الصحه بعدين………والله كريم

وداومي على الصلاه والاستغفار وان شاء الله امورك ماشيه

مرحبا بج أختي الغالية شعاع ..
انا ماركزت ع العاده بس وانا ما تهمني اساسا
انا بس اقزر وقت عشان الملل يروح وانسی بس ماشي غير جي
وانا اسويها اذا كلمت الشباب اللي معي مرات هم يحدوني لها
انا والله مضايقه وايد وابا استغل وقتي وشبابي في شي مفيد
انا اداوم في الجامعه ادرس ومب مخلصه كيف اشتغل ؟ بعدين اهلي
ما بيتقبلون الفكره بس شكلي بزيد ماده الكورس الثاني ع عدد موادي عشان انضغط ماشي حل غيررر وبالنسبه لمراكز التحفيظ كنت اسير فالاجازة الصيفيه والحمد لله حافظه اجزاء وسور بس وقت الدوام ما اسير
اصلا ما الاقي حد يشلني !! انا سمعت انه الجامعه تطرح لج هالشي انه
تروحين لاماكن تشتغلين ويعطونج شهاده ك خبره بس قلت لابوي وقال ما يحتاي يمكن لان شغلي مختلط انا اول وحده من بناته بشتغل هالشغل ويمكن لان يحس عمري صغير غير جي هذا ما ينطرح احين اظن فالصيف جي

تمام اختي تمام بس هي موضوع العاده خطير وينطرح في كثير مدونة نفسيه وصحيه واجتماعيه وهذه المعلومات الاعرفه عنها

بس موضوع وقت الفراغ حاولي حتى لو كنت في وقت فراغ تدورين هوايه تحبينها ……. تشغلك حاولي تشغلين نفسك باي طريق

لازم في شي تحبينه في حياتك …….

والشباب الله يهديهم اختي ذيله مال لعب ويحبون يخربون حياة البنات وبعدين يتهربون منك….ويتزوجون وكان شي ماصار

والبنت تاكل التفكير والزعل والبهذله

حاولي اختي تطلعين من المعمعه حتى لو تشترين كتب في التخصص اختي وتقرينها وطالعين فيديوهات في الدراسه بس

حاولي……موضوع العاده والكلام مع الشباب وكيف تقضين الوقت مهم جداَ

ان شاء الله اختي .. يزاج الله خير

لي عوده ان شالله >> لانيه متلعوووزه قاعده ارتب المطبخ

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .