شو اخباركم ؟ عساكم مرتاحين ؟ دووووووووووووم
مساء و صباح الخير جميعا ^______^
بس حبيت اخذ رايكم … انا احينه ادرس في الكليه و ان شا الله بعد فترة بتخرج ان شاء الله
تسوي عندنا مناسبات و عروس انا البس و اتكشخ بس ما احط مكياج لان الوالدة ما تحب فدوووووم تقولي يمكن وحده تبا تخطبج حق ولدها او اخوها فتكون شايفتنها من قبل على الطبيعة و في العرس اشوف في عيون الناس علامات تعجب و استغراب حتى وحده من معارفنا قالت حق امي هاي منو لانها مستغربه لاني مب حاطة شي على ويهي وتبون الصراحة في خاطري احط , و حتى الكلية و دتنا رحله فاول ما دخلت الاكلاس اشوف الكلاس تحول لصالون هاي تحط و الثانية تشيل و ……, فوحده من البنات قالتلي حطي فقلتلها : لا , انا امي ما تحب فقالتلي امج مب موجودة , فرديت و قلتلها انا ما اخاف منها بس اخاف من رب العالمين لاني اذا سويت شي من وراها عيالب راح يسون نفس الشي … فعشان ما اكسر خاطرها ما احط شي و يوم ارمسا و اقولها اللي في خاطري تقولي بعد ما تعرسين سوي اللي تبين , بس قلتلها انا بعد ابا اعيش حياتي يعني حياتي ما تتوقف على شخص معين … يت فتره و حده من الاهل يالسة تنغز بالكلام و هي قريبة منا
و انا عادي ما يهمني كلامها بس احس تراني تعبت فقلت حق الوالده ان شا الله يوم تستوي اي مناسبة عن خاطريييييييييي ابا احط شوي فقالتلي شو تقصدين ؟ هل راح تحطين عشان حد ؟ جان اقولها انا يوم ابا اسوي شي اسوي من جدامج مب من ورررراج
و السموحة
و ابا رايكم هل انا وياي حق اولا لا؟
^________________________________________________^
ياليت بناتنا مثلج ^_________________________________________________ ____^
يلسي كلميها مره ومرتين وثلاث .. وقوليلها انا ما ابا اسوي شي من وراج .. انا اقدر بس ما اباااا << صدقيني بترتاااح وااايد بتعرف ان تربيتها ما ضاعت .. ومثل ما انتي جدامها .. بتكونين انتي نفسج من وراها ما بيتغير شي
والله يحنن قلب امج عليج الغاليه
فديتج أولا رضى الوالده وبعدين تقدرين بالكلام الحلو تقنعين الوالدة
والسموحه يالغلا
تدرين احس بعد كل شي عندا ممنوع حتى الصبغ والقص ممنوع
ساعات كنت احس بالفرق والله بيني وبين نفسي احس ابا اسوي شرات اربيعاتي كلهن يشلن ويحفن إلا انا
تخيلي حتى حف الشوارب كان عندها ممنوع لو ان ما فيني بس كنت ابا اشل شراتهم
حتى لما رحت الجامعه اشوف اربيعاتي ويقولون لي امج ما بتشوفج وشو دراها وما ادري شو؟؟
بس انا احس قلبي ما يطاوعني
حتى ع اللبس ماماتي كانت تتحكم ماشي جي وماشي جي
لو اني كنت انقهر بس والله ما سويت شي من هالاشياء من وراها
تدرين امي عندها مبدأ كله تقوله يوم بتعرسون سوا كل اللي تبونه (تعذيب)
بس ما اجذب عليج والله ترى عقب ما تعرسين وتسوين هالاشياء كلها بتعرفين الفرق شكلج بيتغير
تحسين ع الاقل انج تسوين هالشي حق احد وان حد يلاحظه
بس حاولي تقنعينها انج يعني لو تحطين سوالف خفيفه بسيطه جحل قلوس ما فيها شي بس اهم شي برضاها