بنات بخبركم عن المشكله اللي توهقت فيها اليوم ..
أول شي انا عمري 28 سنه وموظفه والحمدلله مب ناقصني شي ..
أمي اليوم شافت وحده من الجاليات الشاميه / وتمت هذيج تلمح لها على اساس تخطب من عندنا !!
والمشكله يا بنااااات انه امي موافقه ويالسه تقنعني بعد!! تخيلو تقولي اصلا المواطنات بعدين عادي بياخذون وافدين مافيه مشكله؟!!!
والله امي كله تعايرني لاني ما عرست ! تعايرني ببنات الاهل اللي عرسن.. انا شو ذنبي ؟!
يعني حتى لو ياني مواطن وفيه عرج ولا مب زين , عادي جدا بتوافق عليه , المهم تعرسني!!
على شو امي مستعيله!! وايد من اهلي وصلن ال30 وال 40 و ماعرسن !!واعرف انه هذا كله نصيب
وانا افكر بالمستقبل بعد!! ما اتخيل اتبهدل بعدين!!
من فتره بعد كانت ناويه توديني للخطابه !! تخيلو انتو بس!!
شو الحل بنات ؟ شاركوني
معلي راعي شعور امج لان كل ام تحلم تزوج بناتها وتستر عليها وتشوفها في بيت ريلها
عليج بالاستغفار
وربي يرزقج انتي وكل بنات امة محمد برياييل الصالحين
واذا مكتوب لج الزوااج حتى لو يكون عمرج خمسين سنه بتعرسين ^^
عزيزتي كل شي مكتوب وماا على الانساان الا الدعااء لله تعاالى والله مااينسى عبااده فديتج
استغفري وادعي ربج والله ايسر امورج ياارب
لازم تفكري عدل قبل اي قرار وخصوصا الزواج
الله يرزقج بزوج يكون خير لج
الله يوفق الجميع
غاليتي
كلنـأ بني آدم
ورب العالمين ميزنا بالإيمان
واذا جاءكم من ترضون دينه وخلقه فزوجوه
الجنسيـة ما بنشلها معانا يوم الحساب
والإنسان ما يضمن عمره كم بيعيش
أنا بنظري انتي ناضجـة وقرار الزواج بيدج
استخيري أولا
وشوفي الموضوع 
لكن لا ترفضين عسبـة الجنسيـة
لإن رسولنا الكريم وصانا
اذا جاءكم من ترضون دينه وخلقه فزوجوه
وما ذكر لنا الجنسيـة أو العرج على قولتج ..
كلنا بني آدم
ويمكن هالإنسان الي تهاونتي في تقديره يكون من أهل الفـردوس الأعلى
ويكون ريال بيتقي الله فيج .. وانتي ما تدرين ^_*
والسموحــة ^^