السلام عليكم ورحمة الله وبركاته
هذي اول مشاركة لي بهالقسم وبالمنتدى ىبشكل عام..حبيت افيدكم بمشروووب بسيط وسهل وفي نفس الوقت نتائجة رووووووعة..والله ياجماعة إستخدمته قبل سنة وكان وزني 101 وحاليا70 بس بتقولون سنة وايد هذا لاني مريت بظروف ومشاكل صحية مالها دخل بالرجيم ..المهم صارعندي ثبات بالوزن مدة 10 شهور وطول هالفترة أسوي رجيم ورياضة والوزن محلك سر مايتحرك كيلو واحد..هذا لأني إكتشفت إن عندي تكيس بالمبايض وهو إلي سوا لي كل هالمشاكل..أدري طفرتوا مني بس تحملوني شوي ………..وبعد العلاج والإبر والله يابنات انتفخت وزت 6 كيلو بسبوع وخلاص النفسية تحطمت ..ورجعت أتذكر كل الأشياء إلي ساعدتني برجيمي من البداية ومن ضمنهم هالمشروب الطبيعي ..
ومابطول عليكم وهو: ………………… البقدونس ……………….
المقادير:حزمة اوحزمتين بقدونس
وثلاث ليمونات الي لونها
و30 فص ثوم ؟؟؟؟؟؟؟؟؟
أكيد بتقولون الريحة والطعم بس صدقوني طعمه مقبول وهذا كله في سبيل الرشاقة والي متبعة رجيم حاليا تضيفه لبرنامجها وراح تشةف نتائج رووووووووعة.
والطريقة تقشرون الثوم وتحطونة بجدر بس تقشروه ماتقطعوه اوتطحنوه لا مثل ماهو ..وتقطعون الليمون حلقات وتضيفونه بالجدر مع الثوم وتحطون ماي يكفي دبة ماي مسافي كبيرة ….ولما يغلي أول غلية طفوا من تحته النار وحطو حزمة البقدونس بكبرها دون فرم اوتقطيع وغطوا عليها الجدر نص ساعة اواكثر بتلاحظوا إن الماي صاير لونه مايل للأخضر وطبيعي من البقدونس.. لما يبرد عبوه بزجاجة اوأي دبة خالية وتحطوه بالثلاجة وتشربون منه فنجان شاي بعد الأكل بنص ساعة ثلاث مرات باليوم ….وهويساعد علة حرق الدهون والتخلص من إحتباس السوائل….انا عني أحط معاه شوي نعناع أخضر عشان الطعم والريحة ….وعلكم بالعافية
ملاحظة:إذا شفتوا إن الثوم وايد حطو 15 حبة او10 حبات لان الطريقة ماخذتها من منتدى ثاني وماارتحت لكثرة الثوم بس صدقوني مالها أي اثر وريحة لان الثوم صحيح مامقطع.
أدعولي يابنات ربي يسر أموري ويحقق إلي بخاطري………………منقووووووول.
مشكلة
بقدونس وليمون مقبوول
الله يوفقج
حبيبتى
الله يحقق اللي فخاطرج