مراحب الغاليه ..
شحالكن ….؟!
بس حبيت استفسر من بنات العين اذا فيه مجال أي وحده عندها علم تساعدني ..
أنا نجحت في الاختبار النظري من مدرسة الامارات لتعليم السواقة ..وخذت شهادة بس ابغي اعرف شو اسوي بعدين …المرور ما يردون ع التلفون واذا ردوا قالي الموظف ما عندي علم بالموضوع !!!
ممكن مساعده ابغي اخلص ان شاء الله واخذ الليسن …
الله يوفقج
حبوبه انتي يوم رحتي المرور تفتحين ملف عطوج موعد حق الباركن والريوس صح .. والباركن والريوس ما يصير تقدمينه بدون الشهادة .. والشهادة ألحينه عندج .. فأنتي ألحين شو تسوين ؟؟؟ دوريلج حرمه تعلمج على الباركن والريوس … ويوم بتروحين الموعد اللي مكتوب في الورقه شلي ورقة الموعد البيضاء .. وشلي معاج الشهاده لأنهم بيطلبونها … وبس
وإذا تبين حريم يعلمونج تخبري مني ومناك وإذا ما تعرفين حد روحي عند مسجد الشيخة سلامه وبتلقينهم هناك شو كثرهم اللي يدربون ةاتفقيلج مع وحده … وربي يوفقج ان شاء الله
كان ودي اساعدج بس انا مهب من العين اذا اي شي عندج في المنطقة الشرقية انا حاضرة
فديتج انا يوم نجحت فالنظري سرت المرور وعطيتهم الورقه وحددولي امتحان الباركنج والريوس عقب كلمت حرمه ودربتني والبارحه كان امتحاني ونجحت الحمدلله باقي الشاارع
فيتج اي سؤال انا حاظره
مشكورااات حبيباتي …
الله يجزيكن خير …