المدارس الزينة لل KG1 في ام القيوين؟؟؟؟؟

مرحبا يا امهات
حبايبي انا عندي سارونه و ان شالله ناوية ادخلها KG1 السنه الياية
فوين تنصحوني ادخلها بام القيوين؟؟؟
ابا يكون تعليمهم ممتاز و الاهتمام بعد

المدارس اللي في بالي
1- الشويفات
بس مشكلتها مافيه باصات و بعد مافي مقاصف و انا و ابوها نداوم في دبي و حرام دوامهم لين 3 الظهر
و عندهم استراحة العدا من 12-1 الظهر
فمنو بيودي لها اكل

2- المدرسة الانجليزية
بس مااعرف حد مودي عياله هناك

3- ريلي يقول دخليها روضة الكوثر
جريبة بالفريج و في باصات و بعد بنت عمها بتسير وياها

فمحتارة بليز فيدوني
للعلم انا ساكنة بالحمرا

هلا الغاليه الشويفات ممتازه لكن سالفة نودي الغداء متعبه شوي
لكنها مناسبه لكم خصوصا انكم اداومون في دبي وبتيبونها لما ترجعون من الدوام

انزين حبيبتي منو بيوديها و حرام احطي لها الغدا من الصبح؟
تخيلي هاي لين حزتها مابتداني تاكل
و احسها غالية على kg1 تخيلي ب 15000 بدون الكتب والملابس

انتي وين حاطة عيالج؟؟؟

انا عيالي 2 في الشويفات هي صح غاليه لكن تأسيسهم زين صح تعب عليهم لين 3 لكني ما حصلت مدرسه أحسن
في الأمريكيه في السلمه بس ما أعرف زينه وإلا حد يمدح وحد يذم

مادري اجوف دام ان بنت عمها وياها وديها روضة الكوثر .. عالاقل تضمنين انها بتكون فبيت عمها لين ترجعين من الدوام ..
الحين حتى الحكوميه تأسيسهم اوؤك والمدرسات اغلبهن يداد وشاطرات … بس بعد تابعيها من ترد من الروضهـ وحلي وياها واجباتها …