كيف يمكننا ان نحمي شعرنا من التساقط ولكم جزيل الشكر
شوفي الغالية انا بخبرج عني وعن حالتي الصحية شلون ,, شوفي فديتج انا وحدة ما شاء الله ميتنة متن غير طبيعي وعندي فقر دم ( نقص حاد في الحديد ) طول الوقت ادوخ عافانا الله ,, وما استخدم اي ادوية لا للحديد ولا لمنع الحمل مثلا ولا اي شي حتى البانادول ما استخدمه الا في الحالات القوية فقط يعني لو في السنة مرتين زين بعد 
,, وانسانة ما اكل لا خضار ولا فواكه مع اني احب الفواكه بس ما اكلها ,, بالنسبة للوجبات عندي متلخبطة لخبطة رهيبة مرة 3 وجبات ومرات مرتين ومرات مرة ,, ما اشرب ماي ممكن يمر اليوم كله بدون ما اشرب جلاص حتى لو كنت بموت من العطش ,, تعرفين عندي مشاكل في الاسنان ولو شربت الماي وسط برودته اطعم فيه طعم الحديد يعني ما يسوى علي الموضوع كامل ,,, بس اشرب شاي حليب ومرات عصاير يعني ندبر عمرنا ,,,من ناحية النوم يعني ملخبط مرات ومرتب مرات ,,
فبعد هالملخص عن حالتي الصحية احب اقولج ان الكل يمدح شعري وكثافته ما شاء الله ونعومته ومرات طوله بس لاني اقصه دوم اتعقدوا مني وسكتوا عن السالفة يعني اغلب الوقت قصير احلى فشلون احافظ على شعري ,,
اهم شي النظافة طبعا + التمشيط ,, لازم تمشطينه دايما يعني حاولي تمشطينه كم مرة في اليوم
لازم تستخدمين زيت حق الشعر مناسب لشعرج ,, بالنسبة لي استخدم الزيت اللي انا اسويه ( زيت الجديلة ) تعرفين كل انسان يعرف شو اللي يناسبه وشو اللي مايناسبه ,, يعني اما انج تسوين لج خلطة بنفسج او تشترين خلطة زيت جاهزة من البنات من السوق براحتج اهم شي انج تحسين انه بيفيدج ,, ترا مهم سالفة الايمان في اي شي تسوينه لو ما امنتي به ماراح يضبط
استخدمي شامبو مناسب لج ,, وحاولي تستخدمين شامبو 2في واحد مع بلسم او شامبو بروحه وبلسم بروحه ,, شوفي شو اللي يناسبج اكثر ,, بس لازم بلسم يطري الشعر شوي ويخليه صحي ان شاء الله ,,
استخدمي حمام زيت مناسب لشعرج او ماسك مناسب لشعرج تعرفين في ناس ممكن يناسبهم حمام الزيت لكن ما يناسبهم الماسك او بالعكس ,, اهم شي دوري وااايد على نوع يناسب شعرج ,,
حاولي تقصين اطراف الشعر كل شهر لو تبينه يطول بسرعة وكل ثلاث شهور لو ما تبينه يطول بسرعة ,, بها الطريقة راح تتجدد الشعرة كل فترة وفترة ,,
عقب ما تغسلين شعرج نشفيه عادي بالمنشفة وخليه لا تلفينه ولا تمشطينه ولا تجففينه بالهواء مال السشوار خليه ينشف بروحه فتحيه وبس ,, وعقب ما ينشف مررررررة من الماي مشطيه بس شوي شوي عسب ما تقطعينه ..ويوم تلفينه شوي شوي ,,, وحاولي تفتحينه كم مرة في اليوم يتهوى ويتمشط ,,
واخر شي يوم تسوين له تسريحات في الصوالين او انتي بروحج تعرفين سشوار وسبريه ودبابيس وحليله الشعر مظلووم واااايد ويانا ,, عقب ما تردين من المناسبة فتحيه شوي شوي وحطي فيه زيت ومن باجر غسليه بالماي مب شرط بالشامبو عقب غسليه بالشامبو مثلا من باجر او في الليل لكن خليه يرتاح اشوي واصلا فيه زيت وبس غسلتيه بالماي عسب يترطب شوي ,,
ولا تنسين قبل اي سشوار تحطين السيروم ,,,
يمكن طريقة عنايتي بشعري مب بروفيشينال بس صدق وااااااااااااااااااااااااايد مناسبة لي ,, وفي النهاية على قولة الامريكان do what’s best for you ولو الاسبيلينج غلط اهم شي المعنى صح ,,,
والله يوفقج وييسر لج الخير ان شاء الله دنيا واخره
@ اختكم في الله @
ام ناصر