كيف الحال؟؟؟؟؟ اتمنى تكون كل وحده بخير وصحه وعافيه . انا حبيت استشير واستفسر عن شي . انا رحت لدكتوره وقالت ليش ما تعملي شي عشان ماتحملين ( لأنه سالتني اذا اريد احمل أو لا ) كان تقول بعد ما تنتهي الدورة الشهرية منج لازم تسوين أبرة أو لولب أو اخذ حبوب. انا ما اسوي شي يعني نمنع طبيعي . فكل وحده تقول شو تسوي وهل وحده حملت بلغلط.
انا يااني اركب لولب او امنع طبيعي
واللولب مايفيدني يحبس الماي داخل جسمي فان شاء الله بجرب الطبيعي لانه واااااااااااااايد اريح
والسبب كنت امنع طبيعي ما انصحج فيه لأنه مب مضمون
وخصوصا للي ترضع
انا عرفت اني حامل بعد مرور 4 شهور على حملي
والابر تراها مب زينه واللولب حد يمدحه وحد يذمه يعني على حسب الدكتورة
والحبوب اضمن لج ولكن عيبها انها تنفخ يعني وزن زيادة
وفي نوع من المنع عن طريق كبسولة تزرع بالذراع عن طريق ابرة
ومدتها من 3 – 5 سنوات ومتى بغيتي تحملي تشيلينهم
بس لازم تكونين متأكدة من المنع لأن سعرها فيها واسمها كبسولة امبلانون
يعني هذي على حسب الحبوب
وفيه وحده قالت استخدمت حبوب الياسمين ونزلت عندها فيتامين دال مع انه الكل يمدحها
وانا ابى امنع غير الطبيعي بس مادري *_*
ماانصحج لا بالحببوب ولا وابره ..
الدكتوره نضال قالت نحن اخر شي نفكر في الابر لان تسبب ارتفاع الضغ يعني يصير لج ضفط
بسم الله عليج .. وتقول تنفخج . واصلا ختيه كانت ضاربه ابره ويوم بغت تحمل ماقدرت ..
انا افضل اكثر شي اللولب بس تكون عند وحده مااهره .. انصحج بالدكتوره ماريان
ختيه ركبت عندها واايد زين ماشاء الله ..
بس شرط اللولب انج من تركبينه اول لازم تجيكين اول بأول يعني تنتظمين عشان مايصير حمل
اكثر الي يحملن على اللولب بفضل الله هذيل مايجيكوون ^.^
ماشاءالله ولدي الصغير بيكمل 4 سنوات بعد شهر و شي و ماشاءالله ما استخدم شي,
ممكن بس بعد كل جماع الزوجه تغسل بغسول مهبلي اسمه بيتادين و هذا يموت الحيوانات المنويه.