خواتي الفاضلات .. ارجو من الله ان يسعدنا واياكم دنيا وآخرة آمين ويحفظنا و ابناءنا جميعاً يارب ويرزق كل محروم بالذرية الصالحة المعافيه آمين يارب .
بسم الله ..
ببدأ بالموضوع ..
كل شخص من الابناء له مشكلة معينة .. وكل مشكلة لها حل بإذن الله 
وكل شخص من الابناء له صفة معينة حلوة … وكل صفة معينة ممكن نثبتها ونزيدها او ممكن بطريقتها الخاطئة .. بنخلي الطفل ما يسوي الشيء الزين مرة ثانية !!
كل وحدة المطلوب منها المشاركة مثلا :
1) ذكر عمر الطفل .. مثلا سنتين .. عشر سنين .. اكبر .. اقل ..
ذكر العادة او السلوك ؟ سيئ او حسن ؟
السلوك السيء مثل : الغيرة .. الحسد .. الاهمال .. العناد .. مص الاصبع .. ضرب الأم او ضرب الابناء اللي في نفس عمره .. ضعف الشهية .. كثرة مشاهدة التلفاز .. التعود على الموسيقى منذ الصغر !! او الرقص !! وغيره .
وكيف عالجنا المشكلة ؟
السلوك الحسن مثل : حفظ القرآن . مثلا كيف حفظتيه ؟
حُب الصلاة والحجاب .
التنظيم الهدوء .. عدم العناد .. والطاعة .. وغيره ..
وكيف
ارجو التفاعل بارك الله فيكم من تجاربنا وخبراتنا
انا ببدأ في المشاركة الثانية لوضوع الفكرة
نقدر نبدأ معاهم .. حُب الصلاة وحفظ القرآن
حب الصلاة : مثلا اشتري لهم سجادة صغيرة + شيلة صلاة بالنسبة للبنت
وبالنسبة للولد . سجادة صلاة + عمامة او قحفية حلوة لانه الطفل يحب التقليد .. والاحلى انه نجعله يقلدنا بالشي اللي يرضي الله
—
اما حفظ القرآن . ببدأ بالدعاء له ان شاء الله .. ومن ثم بذل الاسباب وذلك بقراءة الاذكار في الصباح والمساء وعند النوم .. يعني رقيته بقصار السور ( المعوذات ) بصوت شبه مسموع ..
وتلاقينه سبحانه الله من فطرة الطفل .. يسمعج وبالتالي راح ينغرس في عقله
مثلما ينغرس في عقله كلمة بابا وماما
وبالتكرار بإذن الله يكون في السن الثلاث سنين يحفظ على الاقل الاخلاص والمعوذات او على حسب قدرة الطفل
بالنسبه للقران فعلا الطفل من طثر مانقرا له الموذات يحفطهم لاحظت هالشي على ولدي من زمان مع انه لين احين ما يرمس يوم اقرا يحاول يقراه ويا يكرر الاحرف الاخيره من الكلمات او يسبقني والصلاه يقلدني يوم اصلي
عندي تجربه بالنسبه للنظافه كل ما يوسخ ايده على طول اغسله احين اي شي اي على ايده يضايق فيقلي اغسله واستناس لانه يتخذر انه ما يحيز شي عشان ما يوسخه
ثاني شي بالرغم من فوضويت ولدي بس يوم انظف اي شي يحصله على الارض حتى لو نقطه يشلها ويعطينياها او يعطي ابوه يوم نقله شاكر سواف ونصثق له يصير يرقص من الفرحه
ويوم يكب ماي اعطيه محارم ينشف الارض واحين بروحه اييب محارم وينشف الارض
العادات والصفات والطبايع الحسنه تنغرس من الصغر
من الأخطاء اللي يرتكبها الأباء والأمهات
عدم مراعاة سن الطفل والصريخ والزعيج عليه من صغره على أتفه الاسباب فيكبر الطفل نفسيته وشخصيته ضعيفه يخاف ويستحي
من البدايه نبعد عن الأشياء اللي ما نحبها فالوقايه خير من العلاج
من البدايه ما نخليه يسمع الأغاني عشان ما يتعود عليها
نكون قدوه حسنه ولا نستخدم الألفاظ السيئه جدام الطفل ولا نصارخ ونطلب منه عدم الصراخ
ويزاج الله خير عالموضوع الحلو تسلمين