اللي ربت أو تراجع في مستشفى الزهرا عند ممكن تدخل ^^

حبوبات حالياً انا أراجع في مستشفى الزهرا عند الدكتورة نفيسة بس بعدني ماقررت اذا بربي عندهم ولا لأ

بس من فترة سمعت ان الدكتورة نفيسة ماتتريى ع الوحدة اتربي طبيعي وعلى طول اتحولها قيصرية

الحين صدق هالكلام ولا إشاعة خخخخخ

أنا ناوية بإذن الله أربي طبيعي

اللهم اني استودعك جنيني الذي في رحمي فرده إلى عند مولده مردا سالما معافى من كل شر وكل وكل أذى اللهم أميييييين

سبحان الله وبحمده سبحان الله العظيم

معقولة ولا وحدة ربت ف الزهرة ><

ما عندي فكره الغلا إن شاء الله الاخوات يفيدوك

مشكورة bissanza ع المرور
نورتي الصفحة ^^

الغاليه انا ربيت ف الزهراء بس مب عند نفيسه
انصحج اتغيرينها
انا اسير عند الدكتورة شما
واااااااااااايد اوكي خواتي واهلي كلهم عندها وتتريا ع الوحدة ورمستها كم تسوى تريح الواحد
بس انا ولت قيصري لان حالتي غير
من اول التاسع لان الحبل السري كان ملتف ع الصغيرونه
ودقات قلبها مب اوكي ولاني بجر
بس والله وايد ارتحت عنده
وكل ولاداتي بتكون عندها اذا الله راد

مشكورة ع المرور حبوبة