اللي تعــالجـت بـ roaccutane , شــورن عليــه )":

السلام عليكمـ ورحمه الله وبركاته ,

بنات بخبركمـ بسالفتي وشورن عليه بليـز ..

مشكلتي ظهرت خلال 6 شهور اللي طافن ..

في العيد اللي طاف ماشاء الله تبارك الله ويهي كان صافي .. ولا حبه ولا بقعه ولا شي ..

عقب العيد بشهر , استخدمت بودرة وماناسبتني سببت لي بثور عانيت منها ..

والحمدلله تلاحقت ع الموضوع ورد ويهي طبيعي شرات قبل ..

عقبها بشهر بالضبـط .. ويهي مادري شو ياه .. بنات طلعت لي دمامل كبيره ولونها احمر!!

اول مره في حياتي يصيرلي جيه .. توقعت من حراره المعده او من الجو ..

عقبها بفتره اشوفه يزيـد .. شكل الحبوب مب طبيعي .. ومكان الحبوب صاير مثل الحرق!!

المهم سرت عند وحده خبيره بالبشره وماقصرت يزاها الله خير .. نصحتني واستفدت منها ..

وعقبها نصحتني استخدم roaccutane ..

قالت لي خلال شهرين ويهج بيرد شرات قبل , نصحتني بجرعه 20mg بس ..

(مع انه المناسب لوزني جرعه 40mg , اشتريها من دون وصفه طبيه , خارج البلاد )

كرهت حياتي من يوم تعالجت بـ roaccutane .. واكثر عن وحده من تشوفني تقولي انتي معيونه !..

ومره سبحان الله غسلت ويهي بماي زمزم مقري .. والله يا بنات ان ويهي بنفس اللحظه نـوور !

مع اني ماستخدمت شي غيره , لا ماسك ولا مقشر ولا شي .. لكن بين الفرق ع طول ..

عقبها بايام بسيطه الحبوب كلها راحت ماشاء الله تبارك الله ..

تاكدت عقبها ان كان فيني عين .. وعين قوويه بعد .. حسبي الله ونعم الوكيل ..

طبعا انا في هذيج الفتره كنت مستمره على العلاج ( roaccutane ) خايفه لا يصير رد عكسي لو وقفت فجاه ..

صرت احاول اخفف الجرعه , يعني مثلاً بدال كل يوم , صرت اخذ كل يومين حبه ..

وعقبها بكمن اسبوع , استويت اخذ في كل اسبوع حبه ..

ويوم خلص الدوا عليه و بغيت اشتريه اهني .. قالو لي مب مصرح الا بوصفه طبيه ..

المهم ماطول عليكمـ .. خذيت موعد في مستشفى خليفه .. طبعاً مواعيدهم ترفع الضغط ..

عقب شهر اتصلو فيني .. وسرتلهم .. طبعاً الدكتورة هزبتني .. ليش وقفتي العلاج وليش خربطتي ووالخ !!

قالت لي لازم تبدين بكورس علاجي من اول ويديد مدته 6 شهور , وبجرعه 40mg !

بنات انا ويهي الحينه صفى ماشاء الله رد شرات قبل ..

واصلا المشكلة اني كنت معيونه مب من شي ثاني ..

متروعه من سالفه الكورس العلاجي اليديد بجرعه 40mg بعد ..

اذا جرعه 20mg هلكتني وغير التعب النفسي .. كيف بالاربعين بعد

شورن عليه الله يخليكمــ ,

ابتدا بالكورس العلاجي اليديد مدته 6 شهور .. او اطنشها وارد للخبيره اللي تعالجت عندها ..؟؟

اممممممممممممممممم يحير الصراحه اهم شي ماتكوني متزوجه عشان ياثر واتمنى البنات يفيدوج انا اختي كانت تتعالج بهالدوا يحليلها تمت 3 شهور ويها يقشر والحبوب تظهر لبره كلها بس الحمدالله احين ويها صافي بس الحبوب صارت اتيها وقت الدوره بس مب شرات قبل ومايبقع اممممممممم وجي اتمنى لو فدتج بشي بسيط والسموحه والله يوفقج يااارب

لا الحمدلله مب متزوجه ,

فعلاً وايد قريت عنه ..

لكن انا ماكان ويهي يتقشر وايد .. شي بسيط بس اللي يتقشر ..والحبوب ماحسيتها زادت .. !!

كله عكس اللي يصير ويا البنات اللي قريت عنهم في النت ..

بس عن الجفاف .. جفف جسمي كله .. اقولج هلكني .. شفايفي تقطعت .. وشعري وايد خف .. اعراضها الجانبيه واايد

اقولج انا اللي خلاني اتاكد هو يوم غسلت ويهي بماي مقري ,

سبحان الله انا روحي كنت مصدومه من نفسي ..

كنت كل يوم ماشاء الله الاحظ الفرق من احسن لأحسن .. مع اني ما استخدم شي غير المسح بماي مقري .. والعين حق ..

ومشكورة على الرد عزيزتي ..

الغالية انا جربته .. بس ما اعرف كيف قدرتي تيبين الدوا من برع و بدون وصفة طبية .. الغالية الدوا هذا مب هين .. لازم تسوين فحوصات وتحاليل بين فتره وفتره عسب تتأكدين ان الدوا ما اثر عليج .. المهم لو تبين رايي ردي خذي الدوا بس سوي التحاليل .. واذا كانت ال الجرعة 20 مأثرة عليج وايد وتحسين انج ماترومين عال40 .. قولي للدكتوره انج مب مستعيله عالنتايج وتبين تاخذينه عراحتج ..

انا عن نفسي وااااااااااايد استفدت منه .. ولو بيدي جان خذته بعد مره ..

والله فكره .. ممكن اقولها تعطيني جرعه 20 .. مب مهم عندي الفتره الزمنيه .. ولا اعتقد بتحمل جرعه 40 ..

بس انا اللي مب داخل مخي .. ويهي الحينه صفا .. ومفعول الدوا يجفف الحبوب والجسم ..

انا اصلا ماعندي حبوب الحينه بيجفف شو طول فتره الكورس العلاجي ؟؟

انا الود ودي اقطع العلاج اليوم قبل باجر , اعراضه الجانبيه متعبه وايد ..

تييني الم في المفاصل منه , خمول وكسل , شعري يتساقط منه , و واايد امور .. بس ناسيه الحينه وفيني رقاد ..

ممكن تقولين لي ليش ودج ترجعين للعلاج ؟

ويزاج الله خير .. ^__^

هلا اختي الله يعينج ابصراحه انا بعد فيني حبوب ولما رحت عند الدكتوره قالتلي آخذه بس عالشرط أكون انا المسؤوله خفت وما خذته والحين انا متزوجه يعني ما اقدر آخذه لان يأثر ع الحمل
الله يعيني ويعينج..

للرفع