اللولب

السلام عليكم

شحالكم خواتي عساكم بخير !
عندي كم سؤال بخصوص اللولب
أنا مربية من سبع شهور ولادة قيصرية عقب الأربعين بأسبوع تقريبا نزلت دورتي تمت أسبوع وعقب انقطعت لين اليوم وانا ام مرضعة والرضاعة هي السبب في انقطاع دورتي وانا حاطة ف بالي احمل بعد 3 سنوات بإذن الله عشان اضمن أني اربي طبيعي وحاليا نستخدم منع طبيعي لإني رافضة الحبوب والإبر ونستخدم الواقي لكن ريلي تعب من هالشي ومن زمان فكرت اركب لولب لكن قالولي ما يستوي لازم دورتي تنزل هل هالشي صحيح !!
وإذا صحيح هل في طرق أني انزل دورتي حبوب او اي شي لآني ابغي اركب لولب عشان ارتاح وما أشل هم الحمل ولدي صغير

وأي نوع أفضل النحاسي ولا الهرموني !!!

بانتظاركم خواتي

ـوالله ماعرف اذا لازم تنزل الدورة ..انا مركبة بس مول ناسية اذا الدورة لها علاقة.
ـ النحاسي افضلعن الهرموني لانه بالضبط تاثيره نفس تاثير الحبوب ..ممكن تأثر عالمزاج و اللى اخره من جوانب جانبية.بس النحاسي ممكن يطول مدة الدورة مب وايد يومين .
ـ ولانج اترضعين و مايتج الدورة اللولب افضل حل .

نعم اختي ضروووووري تركيب اللولب خامس يوم للدورة
استشيري دكتورة لانه اللي اعرفه ضروري تحليل حمل للتاكد وعقبها حبوب منع الحمل لانها الوحيده اللي تنزل الدورة بس كيف وجيه باستشترة دكتورة

لا عادي انا ركبته وماكانت معاي الدوره
اهم شئ تروحين لدكتوره شاطره لانه تركيب اللولب بايام الدوره سهل لاي دكتور عشان عنق الرحم يكون مفتوح
اما بايام غير الدوره صعب تركيبيه بس للشاطر عادي
بس اهم شئ تكوني متاكده مافي حمل

لاوم تفحصي عند الدكتوره ولو شافت وضعك تمام من دون دوره بتركبه
بس لاااااااااااااازم تزوري الدكتوره لتشييكي عالرحم وتتاكدي ان مافي حمل
موفقه

نسيت اخبرك انا مركبه النحاسي