الله يرحم والديكم . ساعدوني ذبحني الهم

مساء الورد خواتي..

شخباركم…

عساكم بخير..

بدش بالموضوع مباشرة..

أنا اعاني من تكيس بالمبايض.. والمشكلة اني اعاني من مشكلة مادية وما قدرت اتابع مع دكتورتي لأن العلاج احسه غالي وانا ظروفي ما تسمح ..

عموما .. انا من كثر متابعتي السابقة بالعيادات .. صرت اعرف خطة العلاج..

يعني من ثاني يوم الدورة آخذ كلوميد مدة خمس ايام بجرعة 200 ملج

وآخذ العسل مع الحبة السودة مرتين باليوم على الريق وقبل النوم

سؤالي: هل بالامكان آخذ حبوب تخسيس عشان تساعدني بالعلاج وانقاص الوزن؟؟؟

كل الدكتورات كانوا يعطوني ملاحظة لازم انقص وزني .. وانا من النوع اللي صعب انقص

سويت رجيم مع رياضة مدة 3 اشهر وبالعافية نزلت 2 كيلو

ملاحظة: أتمنى اللي ترد تراعي حالتي النفسية وتراعي قدرتي المادية ومحد يجرح بالكلام

كل الشكر مقدما

لا تقولي ذا الكلام الكل يرد بادب وبالعكس بتلاقين الكلام الطيب من العضوات والدعا لك
اختي حاولي تسوين رياضة مع الرجيم افضل من تناول الحبوب
الله يسهل امورك ويرزقك الذرية الصالحة

الله يعينج يا اختيه
بس ليش ما تراجعين في المستشفيات الحكوميه >>>ترى مب بس العيادات الخاصه اللي زينه بعد الحكومه اوكي
وبما انج تعرفين علاجج ترومين تقولين للدكتوره وبتوصف لج نفس الادويه وابلاش بعد

انا يستوي لي تكيس ويروح بالعلاج بس ما آخذ كلوميد في حياتي ما جربته

بالنسبه للوزن اول شي قللي من اكلج
وكلي اكل صحي اكثر وخلي عنج الفاست فود
وبعدين حاولي تمشين كل يوم ساعه او ساعتين وخلي حد يمشي وياج عشان تتسلون وفي نفس الوقت تحرقين سعرات حراريه اكثر
اهم شي المشي السريع

يا أختي احنا ما راح نجرحج وليش نجرحج؟
أول شئ هذا الحمل بقدرة الله سبحانه وتعالى واعرفي انه الاطباء ما يقدرون الله سبحانه هو القادر
عليج بالاستغفار والصدقة وقرأة القرآن أولا وآخرا
وبدأي بعلاج والله يرزقج أختي بالذرية الصالحه

للرفع

الله ينولج الى في بالج ويشفيج ياااارب ^^

علاج التكيس هو الجلوكوفاج حبوب السكر والحلو فيه ان يخفف الوزن اكتي في قوقل حبوب السكر والريجيم او جلوكوفاج والريجيم

معروف ان الكلوميد هرمونات تبويض وتسوي تكيس اما علاج التكيس هو الجلوكوفاج