::
السلام عليكن ,,, ورحمـــة الله وبركاتــــه …
//
الصــراحـــــه ,,, احترت وااايد … وانا اشوف ردووود العضــوات بالمواضيـــع ,,, شي ردود تفـــرح لي .. اكتبت الموضـــوع … وتتشجع العضــوه انهـــا تكتب أكثــر وأكثــر … وتستـــــانس يوم اتشوف خواتهـــا بالاسلام ,,, واقفااات وياهــــــا …. يشوورون .. عليـــها بشــــور غاوي يفـــرحهــــا يلم شملـــها … وتحس ان الدنيـــا بعدهــــا .. فيهــــا النـــاس الطيـــبه والنـــــاس لي توقف مع بعضهــــا ,, وتدعيلهـــا بالخيــر ,,
::
شي ردوود ,, والله العظيم …. انهــــا ,, تسد الخاطر .. وماتسر لا لي كاتبـــه الموضوع وله تســـر اي وحــده قلبهــــا طيـــب وابيـــض ,,,, بغض النظــــر عـــن ذكــر النكــــات ,,, لكــــن ربيه شاهـــد عليــــه ,,, شي عضوات ,,, ماعندهم رد ,, " الا انهـــم يغلطون ويعاتبـــون ويلــووومـــون ,,, وتوصل ابهـــن انهـــن يقولــــن شعنــه حاطــــه هالمشكلـــه يومج سويتــــي هالغلــــط " ,,,,, شعنــــه .. شعنــــه ,, جي " أبوه البـــشر " ,,, غلــط … لي هـــو أبوه البشـــــر … كلهـــــا ::: هذي انســــــانه الله خلقهــــا ماتبونهــــا تغلط ويقص عليهـــا الشيطـــان بلحظــــة … ؟؟!! ,,,,,, والله شي يحير بالواحـــد يوم تشوفيــن النــــاس تلومـــه وهو نادم ,,, وعارف غلطـــه ,,, ويطلب .. منج انج توقفين وياه وتساعدينـــه وانتي ,,, يالســـــه تواجعيـــــنه وتلومينـــه … ؟؟؟!!
::
خواتــــي ,,, أنا كتبت هالموضوع هب لشيء والله .. بس لانه قلبي عورني ع أكثــر عن عضوه عارضـــــه مشكلتهـــا وتباكن تساعدونهـــا … وع فكــره هيــــه اعترفـــت بغلطتهااا ,, وحست بذنبهــــا … وأكبــر دليل ع هالشيء " انهـــــا عرضت مشكلتهــــــا هني ,,,, لانها تباكن تدعون لهـــــا وتوقفون وياهـــــا … بنصيحــــه ,, بكلمـــــه ,, بشـــور ,, بـــراي ,,, <<< هالاشيــــــاء ماعندج ,,, ماعندج شي منهن ,, /// آمنـــــا باللـــــه /// ,, دعــــاء بــــس والله دعـــــــــاء كلمتيـــــن مب أكثـــر ماعندج دعـــــاء ,,, بس ,, الله يوفقج … الله يهديج ,,, بـــــــس ,,, والله يوم القيــامــــه ,,, الله بيجازيج ع هالدعـــــاء ,, لي دعيتي لهــــــا .. وانهدت من عقبهــــا ,,, لكـــن مابتستفيدين شي لو واجعتيهـــا وعورتي قلبهـــا وكسرتــي بخاطرهـــا …
::
وفي نـــاس ماترتاح لحد من اهلهـــا ,,, وحتى ماعندهـــا حد تحسب به قريب منهـــا .. عسب تشكي الحـــال ,,, تحط مشكلتهـــا .. هني لانهـــا محتاره ,,, وضايقـــه بهـــا الدنيـــا .. شعنـــه ,, تزيدينهـــا اكثر عن لي بهـــا ,, وترديــن عليهـــا بهالطريقــه .. شي اسلوب راقــي ,,, شي دعـــاء غاوي ,,, شي نصيحــــه .. شي كلمـــه ,,, شيء شور .. يفيدهـــا ,,,
والرسول " عليه الصلاة والسلام " ,,,
قال رسول الله صلى الله عليه وسلم "من كان يؤمن بالله واليوم الآخر فليقل خيرا أو ليصمت".
::
السموحـــه منكن خواتي ,,, لكــــن .. اتمنى والله اتمنى من الله ,, كل وحـــده قبـــل عن ترد تفكــر بالرد لي بترده ,,, وتحــــط مكانهــــا مكان لي كاتبـــه الموضوع ,,, وتشوف بتتحمـــل انه حد يجرحهــــا ويرد عليهــــا برد جاااااااااف جـــذه ,,,
//
بالنهــــايه ,,, كلنــــا .. خوات … وهالقســـم .. مانحط الا عســـب قلوبنــا تكون ع بعــض وندعي لبعـــض وننصـــح بعـــض ,,,
::
فداااعت الرحمـــن
ختكم
السولعيـــه
صح انه في بعض الردود قوية شوي ..لكن لازم يكون فيه نوع من التوبيخ والحزم دام انه اخوات
اختي اذا غلطلت الله لا قال اكيد بهزبها حتى لو اعترفت بغلطتها وندمت لازم انبها واحسسها انها سوت شي كبير
عشان ماتفكر في لحظة ضعف انها ترجع للغلط ..
والردود من الاخوات التوبيخ احيانا ينفع البنات اللي يكونن غافلات ويقرن الرد مب شرط صاحبة الموضوع هي اللي تستفيد
ــــــــــــــــــــــــــــــــــــــــــــــــــ ـــــــــــت
بس بعد النصح والتوبيخ لازم يكون باسلوب شوي طيب مب دفش يخلي البنت تكره حياتها وتكره اليوم اللي حطت فيه مشكلتها وبدل ما تكمل في طريق التوبة ترجع للغلط.
الحمدللة اغلب بنات المنتدى بنات كبار وفاهمات وردودهم عقلانية وما يخلى من فئة قليلة تنفعل في الرد
إذا وحدة سوتـ شي غلطـ لازم انلومهاااا عشان تعرفــ "ما يصح إلا الصحيح"
… … كيف تبينا انساند وحده وهي غلطانه من الاساس …
..؟؟؟..
,, هي كتبت انها مسوية غلطـ ولازم تتحمل الردود إلي تيهاا ..
وبصراحة اشوف وايد مشكلاتــ عاطفية .. البنت ما تقول انها ندمانة اتقول دورلي حل ..
,, الندمان غير عن الغير ندمان
… ولو بنساندها
بنساندها عشان تتغلبــ على الخطأ .. وما تكررهـ .
… ولو عاتبناها ترانا في الاخير نبا مصلحتهااا ..
والسموحه
و انا عارفة منووو تقصدين … وللاسف يوم دشيت على مشاركاتها ((( كله انتقاد وسب و كلام يسم البدن )))
يزاج الله خير ,, و كلامج درر
وانا بعد رايي من رايج وراي خواتي لحظات عابره وقنيصة شواهين
الشخص يُعاتب في حال إذا ما كان حاس بغلطته ويقول انا مب غلطان هذا الشخص الي لازم تلومينه ع غلطته وتعاتبينه
والي يلجأ لحد وحاس بغلطته ومتلوم ومحتاج كلامه يهديه ويريحه لازم نهديه ونريحه بكلام ونصح جميل
أكبر غلطته أنه نلوم شخص معترف بغلطته والي يفكر بعكس كلامي بعده عقله صغير وخبرته في الحياه قليله اذا مارس الحياه وفهمها صح بيقول كلامي صح %100 لانه الي يقول يستاهل الي سواه وهو ياب هالشي لانفسه تراك انت بعد بطيح فيمشكلة بسبذمتك هل لإذا لجأت لاشخص تبا تسمع منه لوم وعتاب ولا نصح ومواعض وكلامه يهدي البلال؟؟؟؟ طبعا بتختار الثاني
ومافي شي اسمه غلط عن غلط يفرق ترى الي يفكر جي بعده عقله صغير وخبرته في الحياه قليله
باختصار إالى يلجأ لك لازم تسمعه كلام يهديه وتنصحه بكلام لطيف يحسسه بغلطه بس في نفس الوقت يريحه هذا على حسب شطارة الشخص
ليش ماتلومة؟؟؟؟؟!!!!!لانه هوorady ياينك حاس بغلطته ما يحتاي انت تحسسه بغلطته فهمتن يا بنات
أكبر غلط أنك تقول لشخص تستهاهل وانت يبت هالشي لنفسك والغلطه غلطتك وانت تحملها
اوكي اذا هو يقول ساعدني قوله ما اعرف الله يعينك واذا ماتعرف غير أنك تلوم اسكت وخلي اللوم لنفسك
لانه هالشي يزيد عنده المشكلة والهم والضيج