اللي هيه : انا كنت اسولف الساعه 3 الفليل يا بنت ييرانا وكل شوي اييني خط من ربيعاتيه .. متفقين نسهر.. المهم .. خلصت من التلفون لأن ياني رقااد .. عقب سرت ارقد والصبح اشوف امااايه داخله الحجره تصارخ تقول فــــيو اخوج متصل يقو انج ترمسين وااحد يقل هوه يعرف انه فيه واحد بحيااتج .. والله والله كنت يالسه ارمس ربيعاتيه والله … اعرف انه هالشي غلط بس هااي اول مره خويه يقووول جذه .. بنااات دخيلكن قولولي شسوي … .gif "12 (15)")
.gif "12 (58)")
انا اتريا اتصاله لأنه هوه فبوظبي .. يلا السمووحه منكن دخيل الله لا تبخلون فردودكم
والسموحة منج الغالية ………. ترى رمسة البنات في نص الليل بعد اتيب رمسه على البنت ………. ادري انه هالشي عادي لكن فيه ناس ما تفهم ……….. فاتجنبي هالشي غناتي والزم ما على الوحدة سمعتها ………. والله يوفقج وخبرينا شو يصير وياج
الشباب من كثر ما يشوفون و يسمعون من بلاوي البنات صارو شكاكييين و العياذ بالله
انتي تكلمي وياه بهداوه و فهميه
ان شاء الله يتفهم الموضوع
و نصيييييييييحه مني اسمعي هالسالفه
اعرف وحده كانت تكلم رفيجتها نص الليل و يت أم البنت قالت حق بنتها منو تكلمين قالت البنت فلانه بنت فلااااان
سارت ام البنت خبرت الحرييييييم كلهم فلانه بنت فلان لا خيال و لا مستحى تتصل على بنات الناس في انصاف الليالي!!!!!!!!
انزين ترا بنتج بعد تتكلم وياها؟؟؟
بس شوفي كيف .. فظحت البنت و لا همها من بنتها
انتي حاولي تكلمينه وان شاء الله خير
ولا اتخافين ولا شي دام هب غلطانه
انا شراتج ارمس ربيعتي مرات فليل مافيها شي
خلج واثقه من عمرج و اجييه
والله عنيه انا لو اميه بتذبحني …هاذيلا اهل العين جيه …
بس انتي اتقي الشبهات …و قوليله هاتليه رقم اللريال اللي انا على علاقه فيه … لانه اصلن ما فيه حد …و فتش غرفتيه او اخل اميه ..تسوي جيه…
وشبكيه بالبنات اللي كلمتيهن في اللليل…عرفتي …
وبس و حرمي مره ثانيه تسوين جيه
اختج في الله
انتي تجنبي اي شي ممكن يسوي لك مشاكل
و لو فكرتي فيها اكيد راح يقول منوا صاحبتك هاي اللي تكلميها في نص الليل
انا ما اكذب عليكي هاي من واقع تجربة لانه عندنا بنت في البنت ما يحلا لها تكلم صديقاتها الا في انصاص الليالي
عشان هيك اقول لك ابعدي عن اي شي ممكن يسوي لك شبهات ومشاكل مع اخوانك الشباب
لانه الشباب هم اللي يعرفون سوالف بعض
و اذا هو اتهمك بانك على علاقة بحد خليه يجيب لك اسم و رقم اللي تكلميه
و اذا انتي بتتكلمي من البيت ممكن تطلبوا الفاتورة المفصلة و تطلع لك جميع الارقام اللي انتي تتصلي فيهم حتى ثتبي انه انتي مالك اي دخل في كل الكلام و حتى لو من تلفونك الخاص بعد بامكانه يطلع كل ارقامك و يتاكد
يعني انتي لا تمسحي لووج تلفونك و خليه يتاكد و اثبتي له انه انتي انسانة مالك فهالسوالف
و لكن اسمعي كلام البنات
ابعدي عن اي مشاكل ممكن تخرب علاقتك مع اخوانك