هلا خواتي
صراحه انا حصلت خلطه للويه تقول راعيتها ان ثأثيرها عجيييييييييييييب على البشره وانا ما جربتها لاني ما اعرف شو كركم الجسم اللي هيه تطريه وبتخبر عنه وانتو عاد شوفوا خلطتها يمكن تحبون تجربون
خلطه روعه تصفية الجسم والبوجه من الحبوب والبثور ويخليها ناعمه
لمكونات هي :
ملعقتين كبار كركم جسم
ملعقتين كبار فازلين
3-4 ملاعق زيت زيتون
ولنتائج مذهللللللللله اضيفي الحناء البيضاء ( للجسم )
( واللي حابة تقدر تضيف جلسرين انا ماضفته لأن ماكان عندي )
ملاحـــــــظة هـــــــامة : كركم الجسم مختلف عن كركم الأكل والفرق ان كركم الجسم مايطبع اللون الاصفر وريحته احلى من كركم الاكل
وعلى فكرة مش مهم الكمياات أهم شي زيت الزيتون يكون اكثر من الفازلين منعا للتلصق
طبعا اخلطيهم كلهم وحطيهم على الجسم
لاتقولون تعب لاتعب ولاشي عادي كنه كريم
والبسي ملابس ماتبينها عشان اذا توسخت عادي
انا والله خليته ساعة وشوي بس الافضل لو تخلونه 4 ساعات
وحطي من الخلطة على وجهك
اما حول العيون حطي زيت زيتون وكركم ( لأن الفازلين بيلزق عيونك هههههه)
طبعا يوم بتغسلينه لاتغسلينه بصابون عادي اغسليه بسد
( اخلطي كمة مع ماء فاتر وحاولي يكون شوي ثخين عشان لمن تغسلينة يصير مثل الصابون )
ليش السدر ؟؟
اول شي عندك الفازلييييييين مستحيييييل يروح مع الصابون العادي والكل عارف هالشي
ثاني شي السدر روووووعه لتصفية البشرة وتنظيفها
ومب بس بينظف الا ويصفي بعد
كيف الطريقة ؟
انك تاخذين عجينة السدر وتفكرين بها جسمك ( بتلاحظين اللون تغير من زيتي الى اخضر عشبي فاااتح كنه صابون غار )
وخليه لين تخلصين جسمك كله اتركيه وروحي نظفي وجهي بالسدر نفس الشي
بعدها ارجعي اغسلي جسمك وفي الاخير شطفيه بماء السدر ( اللي هو ماي فيها سدر شوووي )
والي ماعندها سدر تستخدم صابون الغار او صابون الطاووس
واذا حسيتي انه ما خازاثر الكركم مع السدر استخدمي صابونة الغار
وطبعا عشان تحافظين زيادة على النعومة بعد ماتخلصين حطي زيت زيتون على جسمك
والله بتصيرووون شييييييي من النظافة والبيااااض
والنتايج من اول مره
عشان اللي يتكيسلون على الاستمرار عادي يجربونها مره وخلاص
خواتي صراحه عباله لكن اللي تبا تتعبل
بس انا ما اعرف السدر ؟؟ ممكن اتحطين لي صورته و وين احصله ؟؟