الكبد

مراحب خواتي
شحالكم عساكم عالقوة؟^^
بغيت منكم طرق لعمل كبد الدجاج بس ابي من تجاربكم بروحكم ما ابيها منقولة من المنتديات الثانية ^^ومشكورااااااااااااات

مآعرف بس حبيت ارفعلج الموضووع ^_^

انا اسويها وايد احبه

اول شي تحمسين بصل مع ثوم لين يحمرويصير ذهبي

تاخذين فلفل حار اخضر تحطينه جيه بدون ماتقطعينه وممكن تقطعين بطاط صغار وفلفل رومي

تمي حركي لين يصير البطاط نص ناضج

ضيفي شوية ملح وغسلي الكبده وحطيها قلبيها وضيفي شوية كركم وكمون وفلفل اسود غطيه وطي عليه وكل شوي حركيه

اخر شي ممكن تضيفين كزبره مفرومه ولو ماتبين مب لازم

اللهم بشرنـي بما يسرنـي . . و كف عنـي ما يضرنـي
و ثبت يـقـيني . . و ارزقني حـلالا يكفينـي
و ابعد عنـي كل شيئ يـؤذينـي .. ~

مشكورة اختي ام مايد وانتظر ردود الاخوات الباجييين لأني أبي أكثر من طريقة

قبل كم يوم شفت بالميغا مارت كبد دجاج
تذكرت وصفة كانو يعلمونا اياها ايام التربية الاسرية
بس نسيت الاسم سامحيني ماقدرت افيدج

ان شاءالله البنات يفيدنك