كل رمضان لازم اسوي القيمات
وبصراحه يعني يطلع دايما مقبول لكن هذي المره قررت اني ادور طريقه عجيبه
عشان تطلع النتيجه واااو ..
فعرفت انه السر في القيمات الحلو الكستر .. قلت كيف كستر واكيد بيكون فيه طعم كستر ومب شي …الخ
بس بعدين قلت بجرب ورحت خذت طريقة منال العالم اللي هي ::
2 كوب دقيق
2 ملعقة كبيره حليب مجفف
2 ملعقه كبيره كاسترد
ا ملعقه كبيره سكر
2 ملعقه صغيره خميره فوريه
رشة ملح
1/4 ملعقه صغيره هيل ناعم
1/4 ملعقه صغيره زعفران
1/2 كوب لبن خاثر ( انا حطيت لبن اب )
1 كوب ماي دافي
..
انا حصلت المقاديروماحصلت طريقة العمل بس في النهايه تحطه في مصفايه ووبعدين اتحطه في الشيره وانا مااحب جذي
فبروحي كملت الباجي وبقولكم طريقتي بالتفصيل ::
1- اول شي حطيت كوب الماي وبعده حطيت اللبن وجلبتهم زين ..
2- بعدين اضفت الهيل والزعفران والملح وخلطتهم زين ..
3- بعدين حطيت الخميره وخلطته زين ..
4 – بعدين الشكر والكاسترد وخلطتهم ..
5 – بعدين الحليب المجفف وخلطتهم ..
6 – ضفت كوب طحين وخلطت وخلطت وبعدين ضفت الكوب الثاني وقعدت اخلط ..
بعدييين تخلينها تختمر يعني انا عينت الظهر وسويته الساعه 6 وربع تقريباً ..
بعد ماتختمر يبت جدر هالشي اختي الله يحفظها خبرتني عنه انه اذا تبين القيمات يطلع لذيذ
سويه بالجدر اصغر جدر عندج وحطي دهن وايد اسمحولي ماصورت ماكان شي وقت جريب المغرب
يعني دهن ربع اقل عن ربع الجدر حطي يعني ان الحبات تغوص في الدهن
وحطيهم في مصفايه وبعدين حطيهم في صحن وحطي دببببس ورشي عليه سمسم
وبالعافيه .. بصراحه خللللللللص يعني انا قمت ورحت يبت من المطبخ الباجي وكملنا عليه
الكل مدحه ولاطعم كاسترد وولاشي
يعني انصحكم فيه وادعولي فديتكم ماوصيكم هع
و بعد أنا أخليها تخمر بس عشرين دقيقة لأني ما أحب طعم الخميرة يكون ظاهر..هل هذا السبب إن طعم السكر ما طلع؟؟؟؟ إللي تعرف تخبرنا
(رَبِّ إِنِّي أَعُوذُ بِكَ أَنْ أَسْأَلَكَ مَا لَيْسَ لِي بِهِ عِلْمٌ وَإِلاَّ تَغْفِرْ لِي وَتَرْحَمْنِي أَكُن مِّنَ الْخَاسِرِينَ)
00000000000