ومبروك عليكم الشهر
بناات لا تبخلوون علينا انا رووحي ابااا الطريقه
2 كوب طحين رقم 1
1 كوب طحين رقم 2
( طحين رقم 1 يكون ضعف رقم 2)
هيل مطحون
زعفران
وممكن تستبدلينه ب 3 ملاعق طعام كاستر بودرة يعطيج لون اصفر حلو من الداخل ويخلي اللقيمات هش
وبعد ممكن تستبدلين الكاستر ب النشا البودر
( ( زعفران او كاستر او نشا )
ربع كوب سكر فقط
2 ملاعق خميرة فورية
ماء دافي للعجن — انتي تحكمي بكمية الماي حطي اول شيء كوب ونص واعجني واذا حسيتيه ثجيل زيدي ماي شوي شوي
لين تصير عندج عجينة ترومين تشلينها بايدج وخلي العجينة تتخمر ساعتين وغطيها احسن _ انا اغطي العجين بكيس نايلون وفوقه غطا جدر —– او اقل ارفعي الغطا وشوفي اذا ارتفعت العجينة اشتغلي فيها
( لاتحطين بيض لانه يخلي اللقيمات لينة )
وممكن تزيدين عليه علبة حليب رينبو ( حليب الشاي) ——– انا ما جد جربته بس اختي تقول يخلي اللقيمات هش
ع العموم اذا بغيتي اللقيمات ما تشرب زيت سخني الزيت عدل وصبي اللقيمات فيه ومن يحمر طلعيه ع طول
وحطيه في صحن وصبي عليه دبس او عسل ورشي عليه سمسم وممكن تغرسين في كل حبة – عنكلية — عود اسنان
وهني عافية
لا تنسيني من دعائج عند الفطور ان الله يحقق اللي في بالي
ورمضان مبارك وافطار شهي
خبريني النتيجة —————————————اهم شيء — ان شاء الله تضبط معاج
انا هاي طريقتي من اكثر من 10سنين والحمدلله مضبوطة
واذا بغيتي الحبات تكون مدورة عدل اشتري جهاز اللقيمات من الجمعية وبتطلع الحبات كلها مدورة وحلوة
نصيحة
وانتي تطبخين اي اكلة خل تكون نيتج افطار صائم واذكري ربج طول الوقت وانتي تشتغلين
والله انا من زمان ابا اعرف شو اسوي عشان اللقيمات ما تشرب زيت