المشاركة الأصلية كتبت بواسطة supeer girl 
كلّه منج انتي يا أم ضحكة شريرة 
يا اللي فجـّـرتي ثورة في قسم السياحة !
وخليتيني أتراجع عن "دستوري المكبـّـل"
أنتفض وأهب للاستجابة لمطالب الشعب 
————————————————
المشاركة الأصلية كتبت بواسطة اسيرت شوق 
انا ذبحني الفضول ورحت اترجم القصيدة بقوقل
بس للاسف ما فهمت 
البرازيل، ويفتح الستار من الماضي
يضع الملك في congado الكونغو
الكونغو ؟!!! 
ختيه أظني انتي خذتي لفـّـه غلط !
دخلتي القرية الأفريقية بدال البرازيلية
المشاركة الأصلية كتبت بواسطة اسيرت شوق عن طريق سحب صالونات
هيه صح ! سيري سيده إمرّه لين توصلين الصالونات !
انتي متأكدة انه هاي ترجمة غوغل ؟!
شكلها ترجمة راجو راعي الدكان ! 
ما أكلمه !! خرّب قصيدني المفضـّـلة
————————————————–
المشاركة الأصلية كتبت بواسطة أمورة مادريبج بتتاثرين باستفزازنا لج و بتسوين تقرير بومب
هههههههههههههه
يا ختيه شو أسوي ؟
تراه مشاعري خيخة سريعة التأثــّـر بالاستفزاز وينقص عليّه بسهولة
المشاركة الأصلية كتبت بواسطة اسيل2019 وللامة العربية بعد 
المشاركة الأصلية كتبت بواسطة حنان2019 وحلفت اني هالسنة ازورها عشر مرات تعويض للسنة اللي طافت
عندج إياها !
بس لا تنسين عمولتي
المشاركة الأصلية كتبت بواسطة زم_قمر_ان 
^الدمانى^ وأخيراً شفناا صورتج عجيبه وقميله
.gif "12 (55)")
لو سمحتي أنا عيوني أحلى من جذيه
حتى مرّه تغنــّـوا فيّه باللبناني وقالوا :
"عليها أجمل جوز عيون من أجمل ما يكون
يا هيك تكون الستات يا عمرها ما تكون"
المشاركة الأصلية كتبت بواسطة هزووفه ولا يهمج
المشاركة الأصلية كتبت بواسطة soso ^_^ وكل سنه سويلنا تقرير حلو ان شاء الله لو عيـّـزتي وطلع لج شعر ابيض
<~ لين هذاك اليوم خلي عيالج او احفادج يكملون المسيرة ههههه
عيّرتني بالشيب وهو وقار .gif "12 (46)")
ليتها عيّرت بما هو عارُ
المشاركة الأصلية كتبت بواسطة رولا Rola لازم نعمللك عامود اسبوعي في المنتدى.
و"سقافة" عـُـليا كمان .gif "12 (69)")
المشاركة الأصلية كتبت بواسطة رمش القصيد رمش القصيد 
من زمان ما دخلتي مواضيعي 
وأنا بعد أرد عليج وأقول لج :
هلا باللي له الخافق يهلـّي *** من الفرحه وروحي به تهلـّـي
اذا شفته ولو بالنفس ضيقه *** تفرّج كل همي واضمحلي
(كلمات الأمير عبدالله الفيصل)
ونبدأ التقرير الثاني بالرد على سؤالين :
المشاركة الأصلية كتبت بواسطة بنت منصوري القرية فاتحة لييييييين 30 مارس 2024
وهذا موقع القرية العالمية الرسمي
https://www.globalvillage.ae/
تابعوه باستمرار لمعرفة الجديد كل يوم !
المشاركة الأصلية كتبت بواسطة كامل وصوفي 
استئجار الـ Cuddly Cart :
10 دراهم / الساعة
واللي لهم سيتين يعني twin سعرهم 15 درهم / الساعة
وطبعا ترومون تستأجرون الـ Shopping Cart عند المداخل بعد
في البداية أبغي أقولكم شي :
لا تعتبرون القرية مجرد حدث روتيني يستوي كل سنة !
لأنكم بتفتقدون متعة انتظارها 
جربي كل مرة تسيرين ويا حد مختلف
مرة ويا العيال
مرة ويا بعلولج
مرة ويا أهلج
ومرة ويا رباعتج
عيشي كل لحظة … لأنه اللحظة الحلوة ما تتكرر
واذا تكررت .. تراها تختلف في تفاصيلها !
^
^
^
^
^
^
^
^
^
^
^
^
^
^
^
^
^
توثيق اللحظة
بتلقون أكشاك استديو Z klik في أكثر من مكان !
واحد في منطقة الالعاب
وكشك ثاني مجابل البحيرة باتجاه القرية المصرية
الصور فورية !
تقدرين انتي ورباعتج
أو انتي وبعلولج وعيالج
تدخلون وتصورون صور مجنونة مع بعض
وفي نفس اللحظة المصوّر يضيف تأثيرات للصورة مثل قرون ، ثلج ، برج أيفيل ، طيارة الخ
للصورة وانتوا تصورون بطريقة فكاهية 
لكم خيار بين 8 صور تختارون منها 4
لكن اذا حبيتوا تاخذون الـ 8 بيكون السعر 200 درهم
ولا تنسون تكتبون على الصورة : القرية العالمية 2024 (للذكرى) 
واللي تجرّب الاستديو تخبرنا عن تجربتها !
عن نفسي استمتعت وايد ويا العيال !
والحين بأسير وياكم ……
^
^
^
^
^
^
^
^
^
^
^
^
^
^
^
*** القرية النمساوية ***
الشي الغريب في الموضوع انهم مخصصين المسرح اللي على بوابتها لفرقة تراثية عمانية
مع خلفية لجبال الألب !! 
عندهم عسل هونيغ ( تحيدونه مال الطفولة ؟ )
وانواع عديدة من المقرمشات …
… النمساوية
وبسكوت بنكهات
أغلب المنتجات يدوية الصنع مثل …
شباصات الشعر
الزي الوطني النمساوي للأطفال
الأساور المصنوعة من أحجار
الشموع
قطع الديكور
والأساور الصنوعة من السيراميك
بالإضافة الى السلاسل
بديزانات حلوة
وأساور المرساة
لمحبات المنتجات الطبيعية ….
صابون النكهات
مثل …
الليمون
القرفة
خشب الصندل
زهرة الليلك
وزهرة القش
وزهرة Forget-me-not
وفي قسم الهدايا …
بتلقون فوط يد على شكل ورود
ملح الحمام
بتغليفات متعددة
وأحجام
صابون القلوب ماركة : "يا معلــّــق بحبل الحب"
"نخلة! بييجوا شايلينها اتنين ! "
بس بابا سنفور ما أدري شو دخله في الموضوع بالضبط ؟!!!
علب هدايا متنوعة وكلها شغل يدوي عشان جذيه أسعارهم أغلى من باقي القرى !
مثل طقم الفوط المطرزة
وبديزاينات
والسوفت تويز المصنوعين يدويا
دموع التماسيح
اقلام اقلام يا بدلته *** آخر تمام في هيئته
شنط
عيبني هالآيباد كفر … مااااااااااااااااااء (45 درهم)
منتجات خشب شجرة الزيتون
لأدوات المطبخ وللديكور وللاكسسوارات
قاعدة لأعواد معدنية (حق اللقيمات )
لوح تقطيع ماركة :
" إن غاب القط ……
… استسلم يا فار !"
شخصيات الإنمي اللي البنات يحبونهم
أقلام براتز
بقية التقرير في الصفحة التالية