الفيروسات يا امهات

جاء فصل الشتاء و جاءت معه الفيروسات و الامراض!!
قبل شهر تعب أبنائي من التهاب الحلق و الأذن,,,
و الان جاء وقت الاستفراغ و الاسهال أعزكم الله.. فهذا الفيروس أيضا منتشر في الجو…
طيب… كيف نقي أولادنا؟ شو الحل..!؟

الفيروسات شر لابد منه….

حاولي اذا مرض واحد بخري البيت باللبان لانه يقتل الفايروسات ويقلل من انتشارها

أنا بعد مثلج اتساءل
وعيالي من شهر تعبانين يتعافون كم يوم ويرجعون يمرضون

والله يا اختي دبي كانج تتكلمين عن بناتي مرضهم قوي وشديد حمى والتهاب اذن واحتقان بالحلق
والله خلاص تعبت من كثر ما ادور على العيادات ما خليت حكومي ولا خاص
واذا خلاص تعبت عطيتهم مضاد حيوي مع اني ما افضل استخدامه لبناتي الا للشديد القوي
بس والله اضطر ما احب اشوف بناتي بهالشكل الصغيرة لها 9 شهور حتى مص المرضعة ما تقدر
من حدة الاحتقان فديتها ……..وما اعرف شو اسوي

يابنات حيلكم في عصير البرتقال الطازج ترا فيتامين سي يحمي من الحمى

علاج حق اليهال الأكبر عن سنة
ربيعتي جزاها الله خير نصحتني كم مرة بفايدة الثوم ويا الروب
يقوي المناعة ومثل ما تعرفون الثوم يعد مضاد حيوي رباني
بتقولون ثوم….يع منو بياكله
بس اقل من ربع فص تدقونه وتاخزون خاشوقة روب وعلى طول في الحلج ووراها خاشوقة ثانية روب عشان ينسى الطعم بس لا تخلطون الثوم ويا علبة الروب كاملة عشان ما ينتشر طعم الثوم في الروب كامل
والله يعافي عيالنا من ها البلاوي اللي مب عارفين متى بنفتك منها

الله يعينكم

فيتامين سي والاشياء الحاره مثل الشوربه والمشروبات الدافيه

للتخفيف الالم الحلق