الفضول

في قافله الحياة يمر بنا اشخاص نتاثر بهم وتظل ذاكراهم

مثل غرشه العطر لو تخلص تظل فيها عبق وبقايا عطره

موضوعي اليوم عن اناس يرميهم القدر امامنا لنتعرف عليهم

تظنين فيهم الخير ولكن لا نعلم ما هي الخفايا ولا يعلمهالا الله

ناس اعتقد الكثير منكم صادفهم في حياته واطلق عليهم صفه

الدفاشه في التعرف وبقولكم ليش الدفاشه

لاني من فترة قصيره اتعرفت على صديقه قديمه لبنات خالي

استلطفتها وحبت تتعرف علي اكثر طرحت على الاسئله التاليه

فلانه انتي من كم سنه متزوجه!!!!!

فلانه زوجج من اهلج. واذا ب من اهلج كيف خطبج!!!!!!!!!!!

زوجك ووين يشتغل!!!

انتي ساكنه ووين. ؟؟؟وبيتك ملك ولا ايجار. واذا ملك مافي ورثه له

واخر سؤال انتي كم ياهل عندج وغير شو اشتغل وليش اشتغل ومتي طلعت من الشغل

ووووووووووووووواي. لاعت جبدي شو ها الفضول. يا اختي

ما ابى اعرفج ولا اعرف اهلج.

ها الاسئله جزء من الاسئله حسستني. اني يالسه اكتب استبيان

في اصول ومذهب في التعرف علي الاوادم بس مب هاي الطريقه

اكيد صادفتوا ناس بها الفضول بس انا كنت غبيه لاني كنت
ا

اجاوبها منحرجه منها ولاني يايه من العمره وما ابغي اسود

صفحتي بالجذب من اولها

انتوا معاي وصادفتوا ناس فضوليه بها الطريقه وكيف شردتوا

ههههه

أقولج شي..

اللي ويها لوووح… لا تستحين منها

وليش الجذب؟؟؟!!! عطيها كاااااش " وايد تدّخلين في خصوصياتي"

يمكن صح بريئة و طبيعتها فضولية و تبا تعرف كل شي بالتفصيل الممل.. لكن اي شي بيطلع منج ثقي انه بينتشر والّا شو مصلحتها تستلم منج تقارير عن حياتج الخاصة؟؟!!!!

وممكن تكون خطرة عليج شوفي موضوعي في نفس القسم

صديقتي او صديقاتي المقربات مني وااايد مع بعض ولا وحده سالتني هالسؤال او تجرأت تسال واذا سالت عادي برد عليها

لكن اذا وحده توني متعرفة عليها وتبا سيرتي الذاتية فليش ارد ,,,, السكوت افضل من الجرح بالكلام

انا احط هالاسئله ف قائمتين، اما انه اللي تسأل ما عندها سالفه وتبا تضيع وقت
او انه فعلا فيها فضول تعرف اشيا ما تنقال لأي حد

عن نفسي ما مريت ب موقف وحد سألني عن شي خاص فيني يمكن لاني من النوع
اللي ما ارمس عن حياتي الخاصه وايد يعني اذا قابلت وحده برع البيت سوالفنا تكون
ف حدود هالمكان لا اتدخل ف حياتها ولا تتدخل ف حياتي اما اذا صادفني هالموقف
ف عادي مرات اقول ماعرف او مادري واشغل نفسي بأي شي واللي جدامي يفهمها

مرات الناس يحتاجون فعلا انهم يفهمون انه لكل واحد حريه ف انه يحتفظ ب خصوصياته

اتشرفت بمشاركتج اختي. فعلا غلطت لما ما سديت الحوار من البدايه.

بس اعتقد والله العالم الانسانه اللي تسال عن البيت ايجار ولا ملك. احسن انها تواجه مشكله
في السكن.

واللي تسال عن وظيفه الزوج اتقارن بين زوجها وبين زوجي

الله العالم في النفوس يعني في الجدر يطلعه الملاس

هلا بمشرفتا حبيت مشاركتج ورقه. ناعمه. فعلا يبتيها السيره
الذاتيه. بس الحين ما ينفع الندم. والواحد يكبر ويتعلم
وينقرص ويتالم

هلا مراسيل اشتقت لج. كلامج صحيح ومعاج في كلمه بس انا ما اتدخلت في حياتها

بالعكس الحوار كان اغلبه اسئله موجهه لي

عموما انا لاحظت ها الطبع مب بس فيها يمكن الانسان يبى يعرف شو ظروف الطرف

الثاني يعني اشياء عامه متزوجه او عندي اعيال بس بيتج ملك ومنو بناه لكم مب لورثه

سؤال غريب.

ولا وحده من الناس تسال كيف عرفتي زوجك ؟؟؟؟؟ مع اني اقولها اني معرسه من

سنين مب من سنه ولا خمس. سؤال بايخ شو راح يفيدج ها السؤال

الموضوع له علاقه بالحسد اوبالمقارنه في الظروف او مثل ما قالت الاخت للنشر