الفرنــــي (## مهلبية بالعيش المطحون ##)

بما أن حديث الورد كانت تبا طريقة الفرني بالعيش المطحون

سويتها لها

وبعد الاخت ma3een

قلت بحطه اليوم ان شاءالله

المقاديير

5 ملاعق عيش أي عيش عندج بالبيت

4 أكواب ماي قياس 200 مل

5 ملاعق كبيره نيدو بودره

ملعقه صغيره هيل

و شكر فنيان واحد كبير اذا تحبونه حالي زياده زيدوووه شكر

و زعفران و نسيت اصوره
و ملعقه ماي ورد

اذا ماتبون منكهات هيل و ماي ورد و زعفران و تبون شاي ثاني ع راحتكم

ترا هالطريقه بيكون الفرني غليط نحن بالبيت محد يحبه غليط اخر شي زيدته كوب ماي

اول شي نغسل عيش عدل من الحشرات اللي فيه والرمل و نخليه ينشف انا حطيته بالفريز عشان ينشف بسرعه
هذا بعد ما نشف

وعقب نطحنه انا مانتبهت كيف كانت حبات العيش عقب مانطحن بس مايستوي ناعم ويوم قلت ليدوه قالت هي العيش ممايستوي بودر اتم حباته بس صغاااار يعني نفس القهوه

انييب جدر نحط ماي و نيدو و هيل و زعفران و ماي ورد ترا هالمنكهات تنحط اخر شي بس انا سويته ع سريع نخليه لييين يغلي

و نصب عليه العيش ونحن نحركه بمشبك اليدوي

ونتم نحرك فتره لين تستوي حبات العيش الصغيره و يبدأ يغلط

و يستووووي ووو عقب انتووو حريين تأكلونه حار او بارد و تزينوونه بأي شي تحبونه انا حطيت فستق ناعم

و بث

بالعافيه عليكم و علينا ان شاءالله