الفرق بين الزوجين

هلا خواتي ابا كل وحده تعطيني رايها اذا وحده عندها شهادة ثانويه و ريلها عنده ماجستير او دكتوراه تحس انها اقل عنه او عادي كفايه اخلاقها الي الكل يشكر فيعا للعلم الزوج ما عنده اي مشكله تبا تدرس او لاء يعني احسن تروح تدرس ع الاقل تاخذ دبلوم بس عشان تكون جامعيه مثل زوجها او هاي مجرد مظاهر وكفايه انه ريلها مرتااااح وياها والزوج ماعنده اي مشكله عاااادي عنده ها شو رايكم

عادي ما فيها شي ، انا شهادتي اعلى عن ريلي بوايد و ما بينا اي حساسية لان ما يأثر.

الغاليه انا من رايي انها تكمل دراستها…يعني شي بينفعها في المستقبل وبنفس الوقت عشان ما تحس انها اقل عن ريلها وفي حياتهم العاديه بعديين بيمرون في مواقف تجبر الواحد مرات يتكلم إنجليزي وما اعتقد اللي عندها شهادة ثانويه بتكون تعرف اوك….والبنت اللي مخلصه ثانويه اسمحي انا بنظري ولا كأنها درست كأنها اميه غير عن اللي دارسه في التقنيه او الجامعه..والناس هالأيام تطمح للأكثر …
صح المدرسه علمتنا بس ما تعلمنا كل شي وجو المدرسه غير…..
وشخصية الوحده تتغير وتقوى يوم تكمل دراستها في جامعه او غير لأنها تخالط ناس يدد وطريقة التدريس تختلف وتكون خلاص ناضجه…وتعرف كيف تتعامل ويا الناس……المهم نصيييييييحه تكمل…..وبعديين كلمة يالييت ما تعمر بييت….

الشهاده شي يخصها اهي تيا الشهاده ولا لا بس اذا الفرق بين الزوجين مايخصه في حريم شهادتهن اكبر من الريال والعكس صحيح ما يخصه بس الفرق اهو الاحترام من لازم يكون في شي احترام وحب من بين الطرفين اهو الاهم من بين الزوجين اذا ما تواجد هذا الشي خلاص بيت الزوجيه …… بح