بنات انا مليت الفراغ بيمرضني اخاف امرض احس اني فاشله من تخرجت ما نجزت اي شي في حياتي من 5 سنين احس الناس تمشي وتوصل وانا بعدني موقفه في الطريق صرت احقد واحسد عطوني حل ابا اسوي شي ابا احس اني اسوي شي مفيد في يومي شو الفرق بيني وبين الحيوان؟ يومي اقضي اكل ورقاد وتلفزيون ونت …. مليت خلاص لاحد يقولي تعبدي واقري اوك اتعبد واصلي وادعي واقرا بس هذا مب كل شي .. للصبر حدود لين متى بصبر لا شغل ولا شي مادري احس هالشي عقاب ولا ماعرف شو صراحه … عطوني حلول ابا احس اني مفيده ابا احس اني منجزه خلاص لاعتب جبدي في دعاء دايما اقولك : اللهم احيني ما كانت الحياه خيرا لي وتوفني اذا كانت الوفاء خيرا لي … صراحه انا مش متمسكه بالحياه … اصعب شي في هالدينا يوم الواحد يحس انه فاشل ربيعاتي يوم اكلمهن صراحه ماعرف شو اقوللهم ومرات ما ارد عليهن لاني ما عندي شي اقوله ما عندي اخبار هن يشتغلن وعندهن كلام وسوالف واخبار بس انا شو ؟ يوم يسألني شخبارج شو تسوين شو اقوللهم؟ حتى مرات يوم يزوروني او ازورهن احس نفسي بينهن ولا شي هن يتكلمن في الشغل وعندهن اخبار وايد لكن انا ما عندي شي اقوله عطوني حلول اقتراحات اي شي ……….
انزين حطي اوراقج قدميهن ف اي مكااااان .. لاتمسن جيه يالسه الغلا
اللي يبا الشي الغاليه يركض وراه هب هالشي لي يركض وراج
يعني الحينه خلنا انقول انه انتي تبين تشتغلين قدمي وسوي واسالي وجوفي ..
يعني جيه ولا تيلسين اكل وتي في ونت مابيفيدج شي هالاشيا الغلا
صلي وادعي .. والله يوفقج الغلاااا .. هالي عندي
طيب ليش ما اتدورين ع شغل انتي بعد داام ربيعاتج كلهن يشتغلن ,,؟
..
حاولي اتدورين شي مني منااك اكيد بتحصلين شي مفييد لا تخلين حياتج جي تظيع ع الفاااضي ..
الله يوفقج حبوبه ,,
وهذا رزقج
الله مو كاتب لج تشتغلين
يمكن بعدج على جدام وبتحصلين شغل
وليش ما فريتي اوراقج كل مكااااااااااااااااان يمكن يقبلونج بشئ..
توكلي على الله
فمن توكل على الله فهو حسبه
عيوني اللي اقل عني وخلوني
انقهرت وصحت
بس شو الفايدة
الحمدلله ع كل حاااااااااااااااااااااااااااااااال
في نعم ثانية الله انعم بها علينا
فلاوم نحمده عليها ونشكره عليها
يكفي نعمة الاسلام والصحة هذي اهم الاشياء في الحياة
والله يوفق الجميع
المشاركة الأصلية كتبت بواسطة أغليـــــــك 
انزين حطي اوراقج قدميهن ف اي مكااااان .. لاتمسن جيه يالسه الغلا
اللي يبا الشي الغاليه يركض وراه هب هالشي لي يركض وراج
يعني الحينه خلنا انقول انه انتي تبين تشتغلين قدمي وسوي واسالي وجوفي ..
يعني جيه ولا تيلسين اكل وتي في ونت مابيفيدج شي هالاشيا الغلا
صلي وادعي .. والله يوفقج الغلاااا .. هالي عندي
مقدمه اوراقي بس ماقدر اقدم في اي مكان اماكن محدوده اليل مقدمه فيها تكون قليلة الاختلاط والعين مافيها فرص عمل وايد