الغلط مني ولا من زوجي؟

مرحبا خواتي….. حبيت اعرض لكم مشكلتي الوحيدة مع زوجي واتمنى انكم اتفيدوني لأني محتارة ماعرف من امنو الغلط ……. زوجي انسان طيب ومب امقصر معاية في شي بس الشي الوحيد الي امضايجني فيه ان اذا طلعنا لأزم انا اختار وين انسير وشو نشتري حتى شو ناكل يوم اقوله خاطري لومرة انته اتي اتقولي قومي انا خاطري فمكان اسير وياج او خاطري اكل معاج في هالمطعم يقولي ****لله واتفاجأ اليوم الثاني يقولي ها وين خاطرج اتسيرين ولاجني رامسه في هالموضوع اليوم اللي قبله حتى الفنادق انا اللي احجزها واقوله تراني حجزت فالفندق باجر يقولي خلاص اتوكلي ع الله …….. والله اني محتارة ساعات اقول ليش اضايج تراه هو مب حارمني بس يمكن هذا اسلوبه .. ادري في بعضكم بيقولي ان هذا شي تافهه جدام المشاكل اللي اتصير بين الزوجين….. بس بعد في اشياء حتى لوكانت تافهه وبسيطه شرات مشكلتي اتسوي خلافات بين الزوجين لأن الحرمه طماعه تبا زوجها يسويلها كل اللي فخاطرها … صح كلامي ولا انا غلطانه

امم شو رايج مثلا تتفقين وياه اليوم انتي تنظمين برنامج الطلعه وثاني يوم الدور عليه يعني تخلونها بالدور

ربي يسعدج

و الله الغاليه اكتشفت هالخصله في وايد من الرياييل من شكاوي حريمهم ..

هو قصده يدلعج و يوديج المكان الي انتي تختارينه …

بس ما يعرفون انا نحن نحب ان هم يختارون عسب نحس بحبهم زياده ..

حاولي في شرات ما قالت الاخت الي قبلي ان شا الله يفيد وياه ..

يمكن يقول اخاف اختار مكان ما يعجبها ؟؟

او يعجبة ذوقج دوم

فكري بايجابية يا بنت العم